No.6035/2020-2021

Aizawl, 13th October 2020 : Vawiin khan District Election Officer / Deputy Commissioner Pu R.Lalramnghaka kaihhruaina hnuaiah DC’s Conference Hall-ah District Level Standing Committee (DLSC) an thukhawm.

Vawiin DLSC Meeting neihah hian Electoral Roll Special Summary Revision neih mekah Draft Roll hi ni 16.11.2020-ah tarchhuah (publish) tur a ni a, Final Roll erawh ni 20.01.2021 ah publish tur a ni ang tih tarlan a ni a. Election Commission of India chuan September ni 4, 2020 (letter no.23/2020-ERS) ah thuchhuah siamin, polling station pakhatah voter 1500 aia tam lo turin ruahmanna (rationalisation of polling station) kalpui turin a tih chu bawhzui niin voter tamna (1300 pel chin) polling station-te chu a hmunah Election Officer, ERO, AERO, BLO leh political party aiawhte nen enho niin thenhran dan tur rawtna an rawn thehluh chu vawiin meeting-ah thlirho a ni bawk. Chung Polling Station-te chu : Chaltlang-III, Laipuitlang, Ramthar Veng-I, Zuangtui-I, Zotlang-II, Dinthar-V, Mission Vengthlang-I, ITI Veng-I, Tlangnuam-I, Tlangnuam-II leh Hlimen-I te an ni a. Hengte bakah hian Polling Station then thar rawn dil ve dangte leh Polling Station Building thlak rawn dilte pawh sawiho a ni.