2959/2022-2023

Aizawl the 6th December 2022 : Vawiin khan Speaker Pu Lalrinliana Sailo chuan a Office Chamber-ah Khawlian Centenary Calendar tlangzarhna a nei a, Speaker chuan Mizorama khua tam tak zingah mei mit lova kum-100 ding thei khua a tam lo hle a, chutih laia Khawlian khua ten nakkum 2023-a kum 100 an tling mai tur chu lawmawm a tih thu a sawi.

Khawlian chu khaw ropui tak, Mizo Lal ropui tak tak te lo lal tawhna khua niin,vawiin thlengin mithiam, mi rinawm, ram leh hnam tana mi tangkai tak tak an lo chhuak chhunzawm zel a ni a ti. Kum 100 tling thei mai tur an nihna chhan chu khawtlang hruaitute leh vantlang mipuite inlaichinna tha leh tanrualna nia a hriat thu sawiin Speaker chuan Khawlian chu khaw entawntlak tak a ni a ti.

He centenary lo thleng tur hian Khawlian mai ni lovin, a chhehvel tlangdunga khua awm zawng zawngte nen inlungrualna leh inpawhna tha a thlen ngei a beisei thu sawiin; hmalam pana an kal zelna turah Speaker chuan duhsakna a hlan nghal a. Khawlian Khawchhuak Welfare Committee (KKWC) leh Khawlian Centenary Celebration Organising Committee(KCCOC)-te hmalakna chu fakawm a ti hle a ni.

Vawiin Khawlian Centenary Calendar tlangzarh inkhawm hi Pu H. Lianzela, Chairman (KKWC) chuan kaihruaiiin, Pu Lalrawngbawla,Secretary (KKWC) in Report pein lawmthu sawina a nei nghal a ni.