2960/2022-2023

6.12.2022: December ni 5, 2022 zan khan New Delhi-ah Prime Minister Pu Narendra Modi kaihhruaiin India G20 Presidency chungchangah All party Meeting neih a ni a. State hrang hranga political party hruaitute telin, Mizoram Chief Minister Pu Zoramthanga, MNF President ni bawk chu he hunah hian a tel a ni.

Prime Minister chuan India G20 Presidency chu ram pum chan a nih thu leh khawvel hmaah India chakna leh theihna tarlanna a nih thu leh thawhhona tha neih a pawimawh thu a sawi a. Thil tam tak zingah G20 Presidency India in a chelh chhung hian India ram tlawhtu tam tak an awm dawn avanga tourism hmasawnna kawng a inhawn tur thu leh, G20 meeting neihna tur hrang hrang ten an economy in hma a sawn theih nan remchangah la se tha a tih thu a sawi.