Vawiin chawhma dar 10:00 khan Krishi Vigan Kendra (KVK) Lunglei District, Hnahthial buatsaih in Hnahthial Community Hall-ah Sankalp Si Siddihi (New India Movement (2017-2022) programme hman a ni a.  Pu Hiphei, Speaker, Mizoram Legislative Assembly chuan khuallian niin a hmanpui.

Khuallian Pu Hiphei chuan thu sawiin ram tha zawk leh nuam zawk din tur chuan tumruh a ngai a, India ram thar din tura hmalakna hrang hrang ti hlawhtling tur chuan  firfiak a chetna, sakhaw inlak hranna, chi bing leh hnam bil inthliarhranna te umbo a ngai a ni, a ti. NLUP kalpui chhunzawm zel anih tur thu sawiin Speaker chuan NEDP hnuaiah chak taka hmalak zel anih thu a sawi bawk. Hlawhtling tur chuan ke pen khat hi a pawimawh hle a, vawi leh khat ah a hlawhtlin theih lova, ke pen khat te te a kal a taihmakna leh rinawmna nen a kan kal chuan New India Movement (2017-2022) hi kan ti hlawhtling thei ang a ti. Kan ram leilung hi thlai in a ngeih a, tumruhna nen kan thawh chuan kan rethei ngai lovang a ti bawk. Sawrkar hmalakna hrang hrang ti hlawhtling turin mipui kalkhawmte thawhpui ah a sawm nghal bawk.

Pu Timothy Lalrinfela, Scientist (Soil Science) kaihhruaina in New India thutiam kum 2022 ah India hi ram thar, ram fai, retheihna, hlemhletna leh firfiak a chetna awm lohna ram, sakhua avanga intihbuaina awm lohna leh chi leh chi inthliarna awm lohna ram alo nih theih nan theihtawp ka chhuah ang tih ka tiam e tih sawi na neih a ni.

Inkhawm hi Dr.Lalmuanzovi, Senior Scientist & Head, KVK, Lunglei District, Hnahthial in a kaihruai a. Dr.H.Vanlalhmukima, Scientist (Plant Protection) in Prime Minister thuchah chhiar chhuahna a nei bawk a ni. Dr.C.Lalremruata, Scientist(Animal Science) in lawmthu sawina in hun a khar a ni.

KVK in tunlai thiamna hmang a loneitu ten buh leh thlai tam zawk an tharchhuah theih nan a siam thlai chi hrang hrang, rannung thahna hlo leh khawl hrang hrangte  phochhuah a ni bawk.