3627/2024-2025

Aizawl, the 3rd December 2024: Vawiin khan Kanghmunah Kanghmun bial chhunga MUP te chuan Favang inkhawmpui an nei a. He hun hi Speaker Pu Lalbiakzama chuan khuallian niin a hmanpui.

Kanghmun bial huamchhunga MUP te intawhkhawmnaah hian Speaker chuan Mizo khawtlang nunah mai ni lo, Pathian thuah pawh Upate zahawmna leh zah an phu zia kan hmu a, hei hi kan chhawm nun zel a pawimawh a, ram leh hnam anga malsawm dawnna pawh a ni a ti a. Kum upa tawh te hnen atangin thalai zawk ten kawng engkimah zir tur kan nei a. Tun sawrkar pawhin kum upa zawk te chanvo humhalh leh ngaihsak hi a dah pawimawh hle a ni a ti.

Hnam fing zawk te chuan kum upa zawk te hlutna leh theihna bakah chhawr tangkaina lai te an chiang em em a. Kan ram pawh Upa te tawnhriat leh thluak fim te kan mamawh a. Kum upat avanga inkiltawih mai lovin, khawtlang kohhran leh ram inrelbawlnaah te an finnaa min chawm tur leh min uap tlat turin MUP member te chu a chah bawk a ni.

Mizoram Upa Pawl Kanghmun Area Favang Meet Program hi Pu L. Ramzauva, Area President chuan a kaihruai a. He hunah hian MHIP leh YMA lama hruaitute pawh sawm an nih angin an tel a. Kanghmun Area MUP intawhkhawm ah hian thusawi, intihlimna hun leh zai ngaihthlak te in hun hman a ni,