1288/2023-2024

Aizawl, the 27th July 2023: Vawiin chawhma khan MZP Conference Hall-ah Speaker Pu Lalrinliana Sailo chuan Ziakmite Pholeng tih lehkhabu a tlangzarh.

Speaker Pu Lalrinliana Sailo chuan thuziakmite hlutna a sawi a. Thuziak tha tak vawiinah tlangzarh leh a ni chu lawmawm a tih thu a sawi. Lehkhabu chhiar tam tih theih, Mizo thalai te zingah an vang tawh tih sawiin hei hi a veiawm hle a, tan lak a tul tih a sawi a ni.

Lehkhabu tlangzarh program hi Pu Lalrammawia Ngente, Assoc Professor in a kaihruai a.  Lehkhabu tuihnihna Pu TC Zonunsanga in a nei bawk. He hunah hian thuziakmite lam atangin Pu B.Thangliana, Prof. R. L Thanmawia, Dr PC Biaksiama leh Pu R. Laltanzuala ten thu an sawi a. PU T. Vanlalhruaia in Lehkhabu thual lehna a neih hnuiin Pi Lalthlamuani in lawmthu sawi lehin hun kaihruaitu in huntawp a khar zui a ni.