Election Commission Of India thupek angin kum 18 leh 21 inkar  India khua leh tuite tana Electoral Roll a inthunluh runpui neih tura hmalakna hlawhtlinna tur ngaihtuahin vawiin khan Pu H. Lianzela Addl D.C Mamit hovin D.C Conference Hall, Mamitah Mamit khawpui chhunga Political Parties hrang hrangte leh Tlawmngai pawlte thutkhawm a ni. 

Vawiin thutkhawmah hian Political Parties hrang hrangte leh tlawmngai pawlte hnenah hian Pu M.H James Election Officer, Mamit chuan Special Drive kalpui dan tura hriattur hrang hrangte sawiin,  Form 6 hmanga inziah luh dn leh Form 7 hmanga Roll atanga paih ngaite paih dan Pi Lalzikpuii, AERO, Mamit chuan zirtirna a pe bawk  a ni. 

Tarlan tawh angin Election Commission of India Thupek angin India khua leh tui te tana Electoral Roll-a inthunluh runpui hi ramchhhung hmundangte rualin Mamit District ah pawh kalpui a ni dawn a, he drive hlawhtlinna tura inbuatsaihna a tan hian District Election Officer ruahmanna in tun thla chhung hian inbuatsaihna hrang hrang neih chhoh mek a ni. 

Vawiin meeting-ah hian Political Parties aiawhte, Election Officials te bakah DIPRO Mamit te an tel a ni.