1305/2026-2027

Aizawl; 4^th July,2026 : Vawiin khan Aizawl DC Pisapui Hall-ah Special Intenvise revision (SIR),2026 neih mek-a Aizawl District pual Draft Electoral Rolls chu District Election Officer leh District bawrhsap ni bawk Er.Lalhriatpuia’n a tlangzarh a, Political Party aiawh te hnenah  Draft Electoral Rolls Hard Copy pakhat theuh a hlan nghal a ni. Vawiin Draft E/Rolls tlangzarh inkhawm hi Pu Vanlalrova, Deputy district Election Officer chuan kaihruaiin, Pu Samuel Zodinsanga’n SIR Draft /Rolls,2026 chungchangah report a pe.

Election Commission of India thuchhuak angin, Mizoram pumah Photo Electoral Rolls Special Intensive Revision, 2026 neih mek a ni a, SIR enumeration phase hi zawh tawh a ni a, hetiang hi Aizawl District dinhmun a ni:

a) Total Electors - 292635. 

b) Total Enumeration Forms Distributed - 292635. 

c) Total Enumeration Forms Collected and Digitized – 272366. 

d) Total Enumeration Forms Un-collectible – 20269. (Uncollectible forms kan neih dan hrang hrang te hi Annexure – I ah tarlan a ni.)

SIR Enumeration Phase-ah hian DEO, EROs, AEROs leh BLOs/ABLOs ten field visit/house to house visit te neiin, BLOs/ABLOs ten Enumeration Forms chu electors tin te hnenah an semkual a, chumi hnuah electors ten Enumeration Forms an fillup sa te chu khawnkhawm in an digitized leh ta a, chumi Enumeration Forms digitized atang chuan SIR, 2026 Draft Electoral Roll hi buatsaih a lo ni ta a, chu SIR Draft Electoral Roll, 2026 chu vawiin dt. 04.07.2026 hian mipuite hmuh theih turin tlangzarh/ tarchhuah a ni ta a ni.

Tun SIR 2026 Draft Electoral Rolls atan hian Rationalization of Polling Stations kalpui a ni a, he Rationalization-ah hian Polling Station 35 piangthar in Aizawl District ah Polling Stations 35 in a pun belh a, chung te chu a kimchang in Annexure – II-ah tarlan a ni.

SIR 2026 Draft Electoral Rolls a Aizawl District-dinhmun chu hetiang hi a ni:-

1. Aizawl District-ah hian Assembly Constituencies 12 a awm a, Dt 04.07.2026 – 04.08.2026 chhung hian hming thunlut ngai, paih ngai leh siamthat ngai te tan dilna hun (claims & objections period) hawn a ni ang, heng dilna lutte hi EROs/AEROs ten dt. 04.07.2026 atanga dt. 02.09.2026 inkarah an enfiah ang a, dt. 02.09.2026 ral hmain Form lut te hi chinfel hman (disposed off) tur a ni. Final Electoral Rolls for SIR 2026-2026 chu September 6, 2026 (Sunday) ah tlangzarh (publish) tura ruahmanna siam a ni.

2. Tun tum Draft Photo Electoral Rolls-a Elector awmzat chu phek hranin Annexure-III- ah thil tel a ni.

3. SIR Draft Electoral Rolls, 2026 atanga thil chhinchhiahtlak deuh te lo tarlang ila: 

   a) Aizawl District chhunga Voter tlemna ber Polling Station chu 7-Tuivawl (ST) AC hnuaia  26-Chhanchhuahna Polling Station niin Voter 73 an awm a, Voter tamna ber chu 18-Aizawl South-I (ST) AC hnuaia  8-Bethlehem Vengthlang-III Polling Station niin Voter 1148 an awm.

b) Aizawl District huam chhunga Assembly Constituencies 12-ah hian Polling Stations 359 a awm a, chawh rualin Polling Station pakhat zelah Elector 758 zel awm ang an ni. Polling Station tinah hian BLO 1 theuh an awm vek a, tun dinhmunah Aizawl District-ah BLO 359 an awm a ni. BLO Supervisors hi 36 kan nei bawk a ni.

c) Aizawl District huam chhunga Assembly Constituencies 12-ah hian Service Voters 1418 an awm a ni.

4. Aizawl District chhunga Assembly Constituencies (ACs) 12 te leh AC tin ERO leh AERO te hming leh Contact No. chu ahranin Annexure-IV-ah thil tel a ni..

5. Election Commission of India-in ruahmanna a rawn siam angin, mi tupawh in Draft Electoral Rolls hi lei a duh chuan a soft copy (without photo) Rs. 100/- in leh a hard copy phek 1 Rs. 5/- zelin lei theih a ni. Amaherahawhchu hard copy lei duhte chuan sawi lawk hmasak tur a ni a. A phek duh lai chauh lei theih a ni lo.

Vawiin SIR Draft E/Rolls tlangzarhna inkhawmah hian DEO Er.Lalhriatpuia chuan Enumeration Phase tha taka kalpui a nih theih nana Election Officials te leh anmahni lo puibawmtu Political party, tlawmngai pawl te leh Media te hnenah lawmthu  a sawi a.  Claim & Objection Period hi thunluh ngai, paih ngai leh siamthat ngaite  khawih hun tur a nih avangin Electoral Roll thianghlim leh dik kan neih theih nan CYMA leh tlawmngai pawl dang te pawhin ERO leh AERO ten hearing an neih hunah in lo telpui a, in lo puibawm ka ngen a ni, a ti.

Er.Lalhriatpuia chuan mipui hnenah he Claims & Objections period-ah hian vote thunluh ngai, paih ngai leh siamthat ngaite neih te chuan an tih vek theih nan uar taka puanzarh sak turin Media te a ngen bawk.

Vawiin SIR Draft Electoral Rolls tlangzarhna programme-ah hian Electoral Rolls buaipuitu Official te leh Political party aiawhte bakah MJA leh tlawmngai pawl CYMA,MUP leh MHIP  te an tel a ni.

Pu Zoramsiama Hmar, Addl.DC leh ERO,11- Aizawl North-II ni bawk chuan “vote of thanks” nen vawiin programme hi a khar ta a ni.