845/2026-2027

Lawngtlai, the 4th, June, 2026 : Vawiin chawhnu dar 2:00 PM khan Lawngtlai District Election Officer,  Pu Donny Lalruatsanga chuan a Office Chamber - ah Special Intensive Revision (SIR) 2026 chungchangah Chanchinbu mite a kawm.

Pu Donny Lalruatsanga chuan tunlai hian Electoral Roll a inthunna tur 'Enumeration Form' chu BLO - ten In tinah lutin an sem mek a, Lawngtlai District chhunga Assembly bial pathum, 36- Tuichawng (ST) , 37- Lawngtlai West (ST) leh 38- Lawngtlai East (ST)  ah te ERO leh AERO te ruatfel niin anni kaihhruaina hnuaiah Enumeration Form hi BLO te chuan In tinah an sem mek a ti a. Tundinhmun ah Tuichawngah-  65%, Lawngtlai West-  ah 77% leh Lawngtlai East - ah 62% semchhuah tawh niin, Electoral Roll a luhna tur form hi tunthla Ni 28 June, 2026 hmain tihfel vek tur a ni a ti.

District Election Officer chuan chuan Special Intensive Revision of Electoral Roll 2026 neih mekah Electoral Roll chu a thar hlaka siam tur niin, khua leh tui diktakte kimtaka an luhtheih nan theihtawp an chhuahmek a ni tih a tarlang a. SIR 2026 kalpui a nih mek lai hian ramdangmi inzehluhtum awmthei lakah nasa zawka  inven a ngai tih sawiin, Tlawmngai Pawl, Kohhran, Chanchinbu mite leh Lawngtlai  District mipuite tanrualna tha a pawimawh hle tiin, Election Official- te  thawhpui turin a sawm nghal bawk.

District Election Officer hi Pu David Lalrinawma ERO  leh Pu Collin Hlycho, Election Officer ten an tawiawm a ni.