Vawiin tlai khan Pu P.S.Raghavan, Indian Foreign Service(IFS), Ministry of External Affairs Special Secretary ( Development Partnership Administration & Public Diplomacy) chuan Chief Minister Pu Lal Thanhawla chu a chenna bungalowah a hmu.
Chief Minister leh Special Secretary te chuan ramdang Bangladesh leh Myanmar te nena insumdawn tawnna tur kalpui mek chungchang te leh Bay of Bengala Mizoramin chhuahka a neihna tura motor kawngpui siam hna thawh mekte an sawidun a ni. Induhsakna thilpek Chief Minister nupui Pi Lal Riliani chuan Pu PS Raghavan hneneah a hlan bawk a ni.
Pu PS Raghavan hi Mizoram University in intawhkhawmna lian tham a thlen tur,’International Conference on Regionalism, Sub Regionalism and Connectivity : India’s Foreign Policy in the 21st Century’ tih naktuka neih tur hmang tura Mizorama lokal a ni. Amah hi Pi L.Savithri, IFS, Director, Public Diplomacy, Ministry of External Affairs in a rawn tawiawm a ni.

Attachment

  • Loading attachment...