Dated Khawzawl, the 21st September, 2020 : Special Summary Revision of Electoral Rolls, 2021 atana hmalakna kalpui mekah vawiin khan Khawzawl District Election Officer, District Bawrhsap ni bawk Pu Zothanmawia hovin Rationalization of Polling Station chungchang ngaihtuahin Khawzawl District Level Standing Committee chu DC Conference Hall-ah an thukhawm.  Meeting-ah hian Election buaipuitu Officer-te bakah Political Party hrang hrang aiawhte, NGO aiawhte leh MJA aiawhte an tel a ni.

Meeting chuan  Khawzawl khawpui chhunga Polling Station hrang hrang hming Khawzawl I, II, III  ti a vuah thin chu veng hming anga kalpui nise, Khawzawl khawpui chhunga Polling Station 2 - Darngawn leh Vengthar bakah New Chalrang Polling Station -te chu Polling Station atana hman thin School Building-te a that tawh loh avangin thlak nise a ti a. Hei bakah hian Khawzawl khawpui chhunga Polling Station 2 - Darngawn leh Lungvar Vengte Polling Station intawm leh Zaingen leh Arro Vengte Polling Station intawmte chu veng anga Polling Station a awm theihna turin thendarh a, Polling Station dang 2 siam thar nise ti a rel a ni bawk. 

Khawzawl District Level Standing Committee rawtna siamte hi Election Commission of India (ECI) ah thlen leh a ni ang.