No.3675/2021-2022

Aizawl the 15th January, 2022 : Election Commission of India thuchhuak angin Mizoram pumah Photo Electoral Rolls Summary Revision, 2022 neih a ni a, Final Electoral Rolls chu vawiin khan Aizawl District Bawrhsap Dr. Lalhriatzuali Ralte chuan Aizawl SP Conference Hall-ah a tlangzarh hnuah mipuite en theih turin tarchhuah a ni ta a. Aizawl District dinhmun leh Final Electoral Rolls, 2022 atanga thil chhinchhiahthlak deuhte chu hetiang hi a ni :-

1. Aizawl District-ah Assembly Constituency 12 a awm a, ni 01.11.2021 - 30.11.2021 chhung khan hming thunluh ngai, paih ngai leh siamthat ngaite tan dilna hun hawn a ni a, heng dilna lutte hi ERO/AERO ten a hmunah kalin enfiahna neih a ni.
2. Dilna Form lut zawng zawng hearing neih hmain digitization tih vek a ni.
3. Aizawl District-ah hian Voters 276155 awmin mipa 129576 leh hmeichhia 146579 an ni a, mipa aiin hmeichhia an tamna chu 17003 a ni.
4. Draft Electoral Roll atanga Final Photo Electoral Roll-a Voter punna chu 4781 a ni.
5. Aizawl District chhunga Voter tlemna ber Polling Station chu 7/25-Chhanchhuahna Polling Station niin Voter 97 an awm a, Voter tamna ber chu 16/15-Dawrpui Vengthar I Polling Station niin Voter 1533 an awm.
6. Aizawl District-ah electoral Roll Photo Coverage leh EPIC 100% neih a ni.
7. Aizawl District huamchhunga Assembly Constituency 12-ah hian Polling Station 305 a awm a, average-a lakin Polling Station pakhat zelah Electoral 905.0 awm ang an ni.
8. Aizawl District huamchhunga Assembly Constituency 12-ah hian Service Voter 1778 an awm a ni.
9. Election Commission of India-in ruahmanna a rawn siam angin, mi tupawh Final Electoral Rolls hi lei duh chuan a soft copy (without photo) Rs.100/- in leh a hard copy phek 1 Rs.5/- zelin lei theih a ni. Amaherawhchu, hard copy lei duhte chuan sawi lawk hmasak tur a ni a. A phek duh lai chauh lei theih a ni lo.

Final Electoral Rolls tlangzarhtu Aizawl D.C. Dr. Lalhriatzuali Ralte chuan Special Summary Revision of Photo Electoral Rolls, 2022 tluang tak leh hlawhtling taka neih theih nana fimkhur tak leh thahnemngai taka thawktu ERO, AERO leh BLO, Local Council, Village Council, political party-te, tlawmngai pawl hrang hrangte leh media te chungah lawmthu a sawi a ni.