A hmasa in Rangoli Bihu Chibai vek u le.

He hun ropui taka in zinga ka tel thei hi ka chhuangin ka lawm hle. Kan hriat theuh angin Bohag Bihu hi Assam mai ni lo, India leh khawvel huap pawh a kut ropui leh hmingthang a ni a. Chutiang ang Kut Ropui a Khuallian a sawm ka ni hi ka lawm a, tempting opportunity ka resist theih loh a ni.

Khawvel ah hian thiamna ropui tak tak leh thil thar lo piang zel mah se, a basic a kan mamawh tak tak chu chaw hi a la ni zel a. Agriculture & allied hian kan nun ah hian a lailum a luah chho zel dawn a ni. Khawvel a hmasawnna chi dang tam tak karah Agricuture & allied product pawimawh zia chu COVID 19 Pandemic atang khan kan hrefiah awm e. Mihring ten manganna vawrtawp kan han tawh a, kan free movement zawng zawng restrict a nih meuh kha chuan chaw leh damdawi bak hi chu mihring ten kan mamawh tam lo hle mai a nih kha.

Primitive era atanga cyber world thleng pawh a kan mamawhna la nep chuang lo, pawimawhna pangngai pat mai agriculture kaihhnawih kut ropui tak mai Rangoli Bihu Kut in lo nei hi Assamese te hian cultural values a in thil tih fuh ber te zing a mi a ni a, ka lawmpui tak zet che u a ni. Uar zawk leh ropui zawk a hmang chho zel turin ka fuih nghal che u a ni. Keini mizo te pawh kan kut pawimawh 3 te hi Agriculture a hun inthen te kaihhnawih vek an ni a. Lo vah zawh awllen laia hman thin Chapchar Kut te, Mitthi thlarau te ei tur a hraina hun Mim Kut te leh rice harvesting zawh a hman thin Pawl Kut te an ni.

Kum Thar Kut a nih ang ngeiin Rangoli Bihu Kut hian beiseina thar min siam sak se la. Thil tha zawk beiseina nen hlim takin I hmang ang u.

Kut hi hlimna Kut a ni a, he hlimna hi unau a min siamtu ah I hmang ang u. Seven sisters state te Assam hnuaiah hlim taka kan awmkhawm thin kha a hlu a, history ropui tak pakhat kan siam ho a nih kha. Inawpna hran hnuaiah awm tawh mah I la, ngaihdan hran te awm thin mahse, unau kan nihna hi I vawngnung reng ang u. Chu sisterhood spirit chu he Kut kaltlang hian kan chhem nung leh thei a ni. Chutiang a thinlung hmunkhata insuihkhawm tur chuan Assamese te hi pa chan changa hmahruai tur leh min huikhawmtu ni turin in sister state te hian kan beisei thin che u a ni tih theihnghilh ngai lo turin ka ngen duh che u a ni.

In kut kan rawn hmanpui che u ang hian Mizoram a Assamese awm zawng zawng te pawh kan Chapchar Kut leh a dang te pawh rawn chhim ziah turin ka sawm nghal che u a ni.

He KUT ropui takah hian kan hman chhan ang ngeiin Assam a kuthnathawktu te thawhrimna chu Pathianin mal sawm se la. An thlai chi tuh te pawh tha tak a lo tiakin lo duah hluah hluah se. Assam hi food basket of NE India lo ni zel rawh se. Tin, Assam rual hian seven sisters state dang te   pawh malsawmin awm rawh se.

Rangoli Kut hlawhtling leh chhinchhiah tlak hmang turin duhsakna sang ber ka hlan a che u.

Ka lawm e.