Ṭhian duhtakte u,

Vawiin India ramin zalenna a hmuh vawi -80 naah hian kan zalênna champha lâwm tûra helai hmuna lo kalkhâwmte leh Lawngtlai District mipui zawng zawngte zahna  chibai bûkin, duhsakna sang ber ka hlân a che u.

He Ni hlimawm leh chhinchhiah tlak takah hian kan ramin zalênna a hmuh theih nâna thisen leh thlantui tam tak senga beitute,an  inpekna, huaisenna leh ram an hmangaihna hian chawimawi a phu hle a, an chungah zahna chibai ka buk tak meuh meuh a ni.

Kum 80 chhunga India ramin hmasawnna tam tak a hmuhte hi chhinchhiah ila, mi tinten mawhphurhna kan nei ve tih hriain, inpumkhatna leh inunauna nen hmalam i pan zel ang u.

Mizoram sawrkârin kawng hrang hranga hmasawnna a kalpui mek kârah hian Lawngtlai District-a sawrkârin hmasâwnna a kalpui tlem tarlan ka duh a ni. 

Lawngtlai District-ah Autonomous District Council pahnih awmin, District Administration nên pheikhai rual takin an thawk ho zêl a. Lai Autonomous District Council (LADC) hnuaia hmasâwnna hnathawh hrang hrang zîngah Agriculture Department, chuan RKVY hnuaiah Farmer-60 hnenah Bench Terrace laihna Rs. 20,000/- theuh pein, Loneitute tan thlai tiak a thlawna  sem thin a ni a.Fisheries Department-chuan PMMY kaltlangin chhungkaw-75 tan Sangha dil thar a siamsak a; PWD –ten Taxation Check-gate, RCC Retaining Wall-te sain, khawpui chhung kawngpui cheithat hnate an thawk bawk a ni. PHE-ten Polythene Reserviour (Syntex) a thlawna sem thinin, khawtlang hman tur tui dahna (water  tank) an siam thin a ni.  

Education Department –ten zirna hmasawnna turin chak takin hna an thawk reng a.Primary School zawng zawngah ‘Stationaries’ pek vek an ni a, Lawngtlai Town-a Middle School-ah ‘Water Cooler’ leh ‘Mini Library’ pek an ni bawk. Pimary leh Middle School-siamthat ngaite a tul anga siamthat thin niin,  ‘Zonal Sports’leh ‘Awareness Campign’ te kalpui thin a ni bawk.   Information Department ten ‘LADC Calendar 2026’ copy-6,500 leh ‘LADC Diary’ copy-500 semchhuakin, Online- a chhiah pek theihna tur an siamfel tawh bawk.

Taxation Department chuan 1^st April-28^th July,2026 chhung khan chhiah – Entry of Goods atangin Rs. 1,39,02,406/- (Vaibelchhe khat  nuai sawmthumpakua sanghnih zali leh paruk) leh Entry of vehicles atangin Rs. 95,490/- (Singkua Sangnga Zali Sawmkua) a hmu a.Faina leh thianghlimna kawngah  Sanitation Department- ten Motor- 4 hmangin zing tin bawlhhlawh paihfai thinin, Transport Department- ten ‘Parking Zone’ mumal tak siamin ‘overnight parking system’ an kalpui mek bawk a ni.Planning & Programme Implementation Departmnent- chuan LADC sawrkar hmalakna leh hmasawnna ruahmannate siamin, hnathawh hrang hrangte an vil reng bawk a ni.

Health & Family Welfare Department, chuan Lawngtlai mipuiten hriselna kawnga hma an sawn theih nan chak takin hma a la reng a. Mizoram Universal Health Care Scheme (MUHCS) hnuaiah inziaklut chhungkaw-2,767 awm mekin, a taka chhawr tangkaitu  mi-1,850 awm tawhin, Rs. 4,48,95,686/- (vaibeichhe li nuai sawmli pariat singkua sang nga za ruk sawmriat paruk) hman ral  tawh a ni. January-June, 2026 chhung khan AB PMJAY Ayushman Card-52,699 (Singnga sanghnih zaruk sawmkua leh pakua) siam niin, beneficiaries-1,301 an awm a ni. Universal Immunization Programme (UIP) hnuaiah Measles-Rubella (MR) vaccine; Hepatitis B vaccine pek thin niin, January-June, 2026 chhung khan Fully Immunized Child (FIC)- 954 an awm a ni.

District Hospital Lawngtlaiah August,2025-August 2026 chhung khan OPD Registration-18,624 awmin, nau piang-299 leh mitthi-56 an awm a. 1^stApril, 2025-31^stMarch,2026 khan Mizoram Universal Health Care Scheme (MUHCS) hmanga damlo a thlawna enkawl mi- 113 awmin, Rs.47,03,073 (Nuai sawmli pasarih sang thum sawmsarih pathum) sen a ni.Dialysis Room- siamfel tawh niin, khawl pali bunfel tawh a ni a, IPHC leh AB PMJAY Building bakah Trauma Centre-te hawnfel a ni tawh bawk.

DCSO Lawngtlai chuan January- July,2026 chhung khan buhfai -48,733.23 quintals dawngin, hengte hi Interior Supply Centre-11 ah rualkhai taka semchhuah a ni a. Fur laia motor luh theih lohna Supply Centre- 8 ah fur chhung daih tur buhfai dah fel tawh a ni. Online Supply Management System kalpui mek niin, Aadhaar Card leh Ration Card link- 99% zawhfel tawh a ni.

Health worker training-na, ANM (Auxiliary Nursing Midwifery) School,Lawngtlai chuan MNC Examination 2025, result chhuakah  khan 1^st year leh 2^nd year- ah za a za pass percentage a nei a. UD & PA ten ‘Lawngtlai Town Cleanliness Competition 2025’ an buatsaihah Educational Institution Category- ah pakhatna dinhmuh an hauh a ni.

Mizoram University-in Final result-a tichhuahah Govt. Lawngtlai College chuan pass percentage-94.74% neiin, Mizoram pumpuiah Pa li na dinhmun a hauh a.Voluntary Blood Donation Campaign – neih thin niin, thisen Unit-67 pek tawh a ni. District Institute of Education & Training (DIET), Thingkah chuan kum 2025-26 chhungin In-service teacher -882 te hnenah subject hrang hrangah  training a pe a; Pre-service Examination (2025-2026) ah Pi  Lalzikpuii,  DIET,Lawngtlai chu panga na a ni.

Sawrkar kum kal mekah  (2026-2027)  VB-G RAM G (MGNREGA) Job Card nei mi- 43,434 an awm a, sawrkarlaipui atangin sum cheng nuai 3,389.66 dawn tawh niin, ni-46 chhung mipuite inhlawhna siamsak tawh a ni a. Hna hrang hrang- 4,462 thawh tawh niin, cheng nuai 3,334.78 hmanral tawh a ni.Pradhan Mantri Awaas Yojana - Gramin (PMAY-G) hnuaiah  In sak ṭanpuina pek mek niin, Lawngtlai District- a RD Block pali ah  mi- 15,053 hnenah pekchhuah leh vat tura hmalak mek a ni. Pradhan Mantri Krishi Sinchayee Yojana (PMKSY 2.0) hnuaiah January-July,2026  chhûngin hmasawnna hnathawh atan cheng nuai 156.9558 hman ral tawh a ni bawk. Mizoram State Rural Livelihood Mission (MzSRLM) hnuaiah January-July 2026 chhung khan  Self Help Group (SHG) – 16 din  niin,DDU-GKY hnuaiah ṭhalai hna nei lote eizawnna siamsak nân training mi-127 te hnenah pek a ni a, hna hmuh sak nghal an awm bawk a ni.

Lawngtlai RD Block hnuaiah Job Card nei mi-14,107 awmin, Financial Year kal mekah Ni-46 inhlawhna siam tawh a ni a. July thla atang khan VB-G RAM G kalpui tan niin, heng-Water security and water related works; Core Rural Infrastructures; Livelihood-Rural Infrastructures leh Disaster-hnuaia hnathawhte ngaihpawimawh  a ni ang.

District Commerce & Industries chuan kum 2025-2026 chhung khan ‘Bana Kaih’ hnuaia beneficiary- 4 hnenah Loan Rs 54,55,400 (Nuai Sawmgna Pali Sing nga Sang nga Za li)  a pe tawh a. Chief Minister’s Special Package hnuaiah Progress Partners-16 neiin, Rs. 12,80,000/-  (Nuai sawm pahnih Sing riat) pek chhuah tawh a ni bawk.

Agriculture Department chuan ‘Bana Kaih’ hnuaiah  Sawhthing lei leh hralh tha taka kalpuiin, Kum 2025-2026 chhung khan  Kg-7,09,799 (Nuai sarih Sangkua Zasarih Sawmkua pakua) lei leh hralh tawh niin; Support Price-ah Rs 2,25,81,578/- (Vaibelchhe hnih nuai sawmhnihpanga Singriat Sangkhat Zanga Sawmsarih leh pariat) sen a ni. Liaphaa Oil Palm herna tur khawl lian cheng Vaibelchhe Sawmthum senga sak tur chu nakum February thlaa hman tan theih tura beisei a ni bawk. 

Soil  & Water Conservation Department chuan Chief Minister’s Rubber Mission Phase –II,  hnuaiah  Rubber tiak-36,000; Hactre-80 a zauah an phun tawh a ni. 

Legal Metrology chuan LPG (Gas), Petrol leh Diesel trip-te unload hmaa endik thinin, Quality chhia leh hrem ngai an awm lo a ni.

Fisheries Department, Lawngtlai District-chuan 2025-2026 chhungin Sangha khawitu mi-37 hnenah KCC Loan a pe tawh a. Pradhan Mantri Matsya Sampada Yojana (PMMSY-CSS) hnuaiah kum 2023-2024 khan Sangha note enkawlna  Dil thar siamna tur mi-50  hnenah pek  a ni a, 2024-2025 chhungin mi -20 hnenah Sangha dil thar siamna tur  pek leh tawh niin, an hnathawh hi endik mek a ni. 

Horticulture Department chuan Bana Kaih hnuaiah Progress Partners-1,leh Chief Minister’s Special Package hnuaih mi-50 diltu neiin Assesment zawhfel tawh a ni a. MIDH hnuaiah chhungkaw-49 hnenah Sawhthing -5 hactres chin tir niin, Aieng chu chhungkaw-39 hnenah hactre-20 a zauah chin tir mek a ni bawk. RKVY-PDMC hnuaiah huanneitute hnenah Drip Irrigation System- 14 (Ha) leh Micro Sprinkler Irrigation System-4 (Ha) siamsak a ni bawk.

Animal Husbandry & Veterinary Department, chuan ‘Bana Kaih’ chak taka  kalpuiin, Phase –II ah Chief Minister’s Special Package kaltlangin beneficiary-6 an nei mek a.National Animal Disease Control Programme (NADCP) hnuaiah vaccine pe thinin,kumin chhungin  vaccine-3,100 pek tawh a ni.January- July,2026 chhung khan ran damlo-8,584 treatment pek niin, ‘Animal Health Camp’ vawi-4 leh ‘Awareness Campaign’ vawi-10  neih tawh a ni bawk.

Sericulture Department chuan ‘Development of Rural Lai Autonomous District Council through Ericulture in Mizoram’ hnuaiah  kum 2025-2026 chhung atan khaw kua atanga  tanpuina dawng tur  mi-120 thlangin,tun dinhmunah Cocoon-550 kg tharchhuah tawh a ni a. ‘Development of Rural Chakma Autonomous District Council through Mulberry Sericulture in Mizoram’ kaltlangin  kum 2025-2026 chhungin khaw li   atangin tanpuina dawng tur  mi-100 thlan an ni bawk.  

Public Health Engineering Department (PHED) Lawngtlai WATSAN Division  hmalâknain, Jal Jeevan Mission (JJM) hnuaiah thingtlâng In tina tui tap connection pêkna tûr Functional Household Tap Connection (FHTC) chu za a za (100%) tihhlawhtlin tawh a ni a.Greater Lawngtlai Water Supply Scheme kaltlangin chhungkaw- 99 hnenah tui connection pek tawh a ni. Mipuite hnena tui thianghlim pe tur leh tui atanga natna inkaichhawn theihte umbo turin Lawngtlai District Water Testing Laboratory tangkai taka hman mek a ni bawk. 

Power & Electricity Department chuan SASCI (2025-2026) hnuaiah 33Kv line Chawnhu Sub-station – Bungtlang ‘S’ leh 11Kv line Sekulhkai- Saibawh; Parva - Matsury te an zofel tawh a. Khawiva –Chawnhu line (33Kv)  chu 132Kv a thlak tura hmalak mek a ni.Smart Metering and Digital Payments-uar tura hmalakna ‘Pakhwada’ leh Online –a bill pek dan tur inzirtrina  khaw hrang hrangah neih tawh niin, Bungtlang ‘S’ Power Sub-Division chu Mizorama Power Sub-Division tha bera thlan a ni bawk.

PWD Lawngtlai Division hnuaiah kum 2025-2026 chhûngin kawng -21.74 Km a thui  laih a ni a, black top (Flexible pavement) -4.68 Km  tih zawh  tawh a ni. Culvert-13  siam tawh niin, Protection Works -620 Rm thawh tawh a ni bawk.

Samagra Shiksha, Lawngtlai chuan kum 2025-2026 Session-kal mekah School - 420 ah Mid-Day Meal- pe vekin, Elementary School naupang zawng zawngte  chu Zirlaibu leh Uniform a thlawnin a pe vek bawk a ni. IE (Inclusive Education) kaltlangin zirlai naupang mamawh bik neite zawng chhuakin, an mamawh dan a zirin hmanrua- wheel chair, spectacle, crutch, stick, etc te pek thin an ni. Tun dinhmunah Lawngtlai khawpui pawn atanga lo kal zirlaite tan Hostel-3 a enkawl mek a ni. 

Chhimtuipui Wildlife Division chuan protected area pahnih – Phawngpui National Park (50 sq km) leh Ngengpui Wildlife Sanctuary (110 sq km) an enkawl a. January- July 2026 chhung khan Entry fee, leh Rest House Room Rent- aṭangin Rs. 1,00,380/-( Nuai khat  leh  zathum sawmriat)  hmuh a ni a. Kum 2026-2027 chhûngin CSS-IDWH Scheme-hnuaiah ṭhalaite eizawnna siamsak nân Park leh Sanctuary vêng tûr ‘Anti-poaching squad’ atan  mi -40 chhawr an ni. 

Deputy Commissioner of State Tax, Lawngtlai Zone chuan 1^st January-31^st July,2026   chhûng khân State GST,State Sales Tax (VAT), Road maintenance Cess leh Social Infrastructure and Services Cess atangin chhiah Rs.8,15,98,972/- ( Vaibelchhe riat nuai sawmpanga singkua sangriat zakua sawmsarih pahnih) a hmu a.1^st quarter (2026-2027) ah Tax collection Growth rate- +658.6% niin Mizoramah a sang ber a ni. 

District Transport Office hnuaiah  January ni 1,2026 aṭanga July ni 31,2026  inkar chhûng khân lirthei-726  chhinchhiah niin,   driving licence-621  pekchhuah a ni a. Hemi hun  chhûng vek hian registration fee, tax, agent licence, driving licence, learner licence,compunding  leh a dang aṭanga sum (revenue)  hmuh zawng zawng chu Rs.54,44,259/- (Nuai sawmnga pali, sing li sang li zahnih sawmnga pakua) a ni.

Lawngtlai District ICDS Project, hnuaiah khua-35 awmin, Anganwadi Centre -100 a awm mek a. Hengah hian naupang kum 6 hnuai lam -2,456; Nu naupai-118 leh thla ruk hnuailam naupawm -75 te hnenah ei tûr ṭha (supplementary nutrition) leh hrisel inzirtirna pek thin a ni a. Anganwadi Workers- te training pek reng an ni a, Anganwadi Centre- ah hian Poshan Abhiyan Scheme kalpui chhunzawm  niin, Poshan Tracker Apps- hman a ni bawk. 

District Programme Office (Women and Child Development) chuan Saksham Anganwadi hnuaiah Anganwadi Centre-117 te kawlpetha a pe a. 9^th -23^rd April,2026   chhung khan ‘Poshan Pakhwada’hlawhtling taka kalpui a ni bawk.District Child Protection Unit (DCPU) chuan ‘sponsorship’ kalpuiin, April,2025- June,2026, chhung khan  naupang-160 hnenah thla tin tanpuina Rs. 4,000/- a pe a ni. Foster Care programme hnuaiah naupang- 11 enkawl mek niin,‘Foster Care Funds’ pek vek an ni a,Child Care Institutions-4 enkawl mek a ni bawk. 

Dan leh thupek kenkawh kawngah Lawngtlai District Police-ten chak takin hma an la reng a. Lawngtlai District- a Police Station- 5 ten  Mobile Patroling- nei thinin, vawiin ni thleng hian Opium-38.52 Kg; Heroin (NO-4) -4.99 Kg leh Methamphetamine- 1.796 Kg man tawh a ni. Awareness Campaign vawi -8 neih tawh niin, Mobile phone ruk /bo report-72 atangin 24 chu CEIR Portal kaltlanga chhuichhuah leh hmuh let a ni.

Lawngtlai Treasury hnuaiah DDO 42 awm mêkin, Lawngtlai Treasury aṭanga pension hlawh la Pensioner -1,000 an awm mêk a ni. 

District Social Welfare Office chuan National Social Assistance Programme (NSAP) kaltlangin mi-3,551 hnenah pension  a pe mek a. Kum 2025-2026 chhung khan National Family Benefit Scheme (NFBS) hnuaiah mi-16 hnenah cheng 2,000/- theuh a pe bawk a ni. Handicapped Student Stipend zirlai-98 hnenah pe mekin, Bungtlang ‘S’ ah Unique Disability Identity (UDID) Card Assesment Camp – a buatsaih tawh bawk. 

District Prison and Correctional Home chuan 25^th March,2026 atanga khan ‘Video Court Proceeding’ a kalpui tan a. Prison and Correctional Home – inrelbawlna felfai, mumal leh changtlung taka kalpui turin e-Prisons- tha taka kalpui mek a ni bawk.

District Election Office chuan MDC-LADC, 2025 General Election felfai leh tluang takin a kalpui a. Special Intensive Revision (SIR) of Photo Electoral Roll, 2026 neih mek niin, Draft Roll pawh Ni 04.07.2026 (Saturday) khan tluang takin tlangzarh a ni tawh bawk. India khua leh tui diktak, kum 18 tling chin, vote la nei lo zawng zawng chu atam thei ang ber vote neih tir vek tum an ni a. Tin, vote nei thei lo tur foreigner –te,Mitthi paih ngai leh vote neih double vanga paih ngai te enfiah (Hearing) neih  mek a ni. 

Deputy Commisioner’s Office, Lawngtlai chuan District Catalytic Intervention Plan (DCIP) tha takin a kalpui a. Tun dinhmunah khawpui chhunga hmun pakuaah “Road Signage’ cheng 6,00,000 (nuai ruk)  senga dah a ni a; Lairam Nursing School hnenah Computer set-10, Inverter-1,Projector-1 leh Screen—1 pek tawh a ni. Sangau PHC–ah X-Ray Building cheng nuai thum senga sak mek a ni a, bawlhhlawh paihna motor (TATA 610 SK Truck ) LADC hnena hlan tur leina tur sum sanction tawh a ni bawk. Lawngtlai khawpui chhung Veng- 7 ah CCTV Pali theuh dah tura hmalak mek nibawkin, August 2026 chhung hian bun fel tum a ni. 

Information & Public Relations (I&PR) Department chuan mipuiin sawrkâr hmalâkna leh ruahmannate an hriat zung zung theih nâna puanzâr hna thawkin, Chanchinbu leh Arts peng hrang hrang hmasâwnna atân hma a la reng bawk a. Journalist-te’n hamṭhatna hrang hrang an dawn theih nân ‘Welfare Scheme’ duangin, Accreditation a siam a, tunah hian Lawngtlai District-ah Accredited Journalist -5 an awm mêk a ni. Bana Kaih kaltlanga sawrkar hmalakna hrang hrangte puanzar thin niin, hlawhtlinna changte tan ‘Success Story’ siam thin a ni bawk.  January aṭanga vawiin thleng khan  DIPRO, Office, Lawngtlai chuan Press Release -371 an tichhuak a ni. 

Parade contingent- zawng zawngte chungah lawmthu ka sawi a.Vawiinazirlai leh mipui lo kalkhawmte, NGOs, Kohhran, Chanchinbu mite leh Lawnngtlai District mipuite chungah pawh lawmthu ka sawi bawk a ni. Kan District- hmasawnna tura kawng engkima  thawhpuiah ka sawm bawk che u a ni. 

Thian duhtakte u, vawiin Independence Day- lawmna hian ram leh hnam hmangaihna leh inpumkhatna a tharin thlen se la, India ram leh Mizoram  chak zawk leh hmasawn zawk siam turin mahni theuhah tan la thar leh ang u. 

Independence Day- hlim taka hmang vek turin duhsakna sang ber ka hlan nawn leh vek a che u. 

Ka lawm e

Jai Hind