Vawiin India Republic Day vawi 77-na ah hian in zavaiin chibai ka buk a che u.

Kum 1950, January ni 26 ah khan India Danpui (Constitution) chu hman tan a ni a. He ni champhaphak a lo thlen  hian India ram dung leh vanga cheng ten, kan Danpui laimu- dikna, zalenna, intluktlanna leh inunauna a tharin i vawng nung zel ang u.

Kan Danpui duangchhuaktu mi ropui kal hmasate leh kan ram zalenna sualtu pasaltha huaisente zahna chibai ka buk a. An inhlan famkimna avangin he ramah hian zalen takin kan cheng thei a ni tih kan hria a; keini pawhin an hniak hnung zuiin, kan ram tan kan theihna leh thiamna te i hlan zel ang u.

Serchhip District hmasawnna turin kawng hrang hrangin sawrkar chuan hma a la a. Serchhip Town Beautification Project duan niin State UD&PA buatsaih inelnaa lawmman kan dawn, cheng nuai 50 in bul kan tan a. Department hrang hrangte leh VC-te nen thawk hoin cheng nuai 153.58 lai sen ral a lo ni ta a. He sum hmang hian Serchhip khawpui chhung hmun hrang hrang cheithat leh cheimawi hna thawh a ni.

State Collaboration Initiative kaltlangin Serchhip District chuan Sawrkar Laipui DARPG-ah cheng nuai 60 senna tur  District Plan and Project Monitoring System project proposal a thehlut a. India ram pumpui atanga proposal lut zingah Serchhip District chu Mizoram atanga thlanchhuah awm chhun a ni a; tunah hian kalpui tan mek a ni.

Mizoramah a hmasa ber ni turin District mipuiten harsatna awlsam taka thuneitute hnena kan thlen theihna tur Vantlang Viltu App siam a ni a. Mi 429 an in register tawh a. Kum kalta chhunga complaint 53 kan dawn zingah 51 chinfel a ni tawh a, 2 hi buaipui mek a ni.

Nasha Mukt Bharat Abhiyan hnuaiah anti-drug campaign thuang hrang hranga kalpui a ni a.  Tlawmngai pawl te, sports association te, kohhran hote leh school zirlai zingah campaign neih a ni a.  NMBA bultumin February ni 9 atanga February ni 20, 2026 chhung hian Serchhip District pum huap ruihhlo ngaite pual camping neih a ni dawn bawk a. District Administration hmalaknaa sawrkar, tlawmngai pawl leh kohhran zawng zawng te tanhonaa camping buatsaih thei hmasa ber District kan ni dawn a ni.

The Mizoram Bana Kaih (Handholding) Scheme hnuaiah sawhthing quintal 86,770.16 lei nan cheng vaibelchhe 24.33 release a ni a.  August ni 8, 2025 a Tourism Department buatsaih “Narrating Mizoram: Tales of Our Land” Storytelling Competition-ah kan District chuan lawmman pakhatna kan dawng bawk a ni.                          

Dan bawhchhia leh pawikhawihtu zawnchhuah kawngah Serchhip Police te chuan an thawhhlawk hle a. Kum 2025 chhung khan case 129 ah 121 chhuichhuakin crime detection rate hi 93.8% a ni. Heroin gram 127.9, cheng nuai 3.8 hu zet an man a. MLP Act hnuaiah rakzu litre 2406, cheng nuai 12 hu zet an man a. Traffic dan bawhchhia 576 manin cheng nuai 6.9 chawi tir an ni a; Krismas leh Kumthar vuakvetah dan bawhchhia an mante chawi zat tlingkhawm chu cheng nuai 2.5 a tling bawk.  Hunpui lai hian December 22, 2025 atangin Serchhip Bazarah Beat Post an siam a, police mi leh saten chhunzanin an vil a ni.

Excise Department chuan January 2025 atanga kumin kum bul thlengin sapzu cheng nuai 18 man hu, rakzu cheng nuai 6.7 man hu, Heroin gram 657.85 leh ganja kg 2.4 an man a. NDPS Act hnuaiah mi 28 an man bakah MLP Act hnuaiah mi 257 an man a ni.

Fire & Emergency Services te chuan kangmei chhuak avanga kohna vawi 39 an dawng a, heng zinga 69% hi ram kang avang niin special service call vawi 10 an dawng bawk.  Fire Safety Inspection chu school 3 leh hospital 1-ah an nei a, fire safety audit hospital 2 ah an nei a, mock drill vawi 2 an nei bawk.

Hriselna kawngah hma kan sawn theih nan tan lak niin Hmuntha, Khawbel leh Kanghmun South-ah Health & Wellness Centre building thar sak a ni a; Serchhip District chhunga PHC 4 te chuan NQAS Certificate dawngin State Level Certificate dawng CHC pakhat kan nei bawk.  Kan District ah  TB Free Village 9 kan nei a, Hmuntha chu a zawna TB Free Village-a puan an nih avangin Silver an dawng. Khum 100 awm theihna tur District Hospital sak chhunzawm zel niin, damlo khum indaihlohna phuhru turin khum 15 awmna Makeshift Hospital building siam a ni a. Serchhip District Hospital hian NQAS certificate dawngin tehna hrang hrangah 93.73% an hmu a ni.

Serchhip Division PWD te chuan an bial chhunga kawng km 83 a thui an black top a, formation cutting km 2 an zo a. Kikawn to Hmar Veng kawng laih tlang a ni tawh a, Zawlpui leilet kawng concrete a chhunchhuah a ni tawh a, Serchhip to Zote South kawng pawh laih tlang fel a ni tawh bawk.

Amrut 2.0 hnuaiah Serchhip PHED WATSAN Division te chuan Greater Serchhip Water Supply Scheme leh Thenzawl Water Supply Scheme tihchangtlun hna an thawk mek a. Cyclone Remal in a tihchhiat pipe leh retaining wall siam zawh tawh niin Serchhip District chhung khawpui hrang hrangah connection 217 an pe a ni.

Kawlphetha a kan hnianghnar theih nan Megawatt 10 pe chhuak thei Thenzawl Solar Power Plant siam zawh niin December 20, 2025 khan Chief Minister Pu Lalduhoma chuan a hawng a. Power sem darhna tihchangtlun zel niin Thenzawl - Zote South ah km 12 a thui 11kV line siam zawh a ni a. New Serchhip leh Thenzawlah 100kVA distribution transformer dah belh a ni bawk.

Agriculture Department chuan eirawngbawlna tel siam chhuah kawnga kan intodelh theih nan - Oil palm, tung, chhawhchhi, nihawi, bekang leh antam chin leh hmun siamah te hmalak mek a.  Digital Crop Survey kalpui mekah Landmark App hmangin kuthnathawktute ram 1018 a chhinchhiah tawh a ni.

Dragon Fruit chin kawngah Horticulture te chuan hma lain kum 2025 chhung khan quintal 1480 thar chhuah a ni a. Pa (mushroom) chi siam kawngah nasa lehzuala hmalak niin kg 581 zet an siam chhuak a ni.  The Mizoram Bana Kaih (Handholding) Scheme hnuaiah loan mi 8-in an dawng a, CM Special package dawng mi 58 an nei bawk.

AH&Vety kaltlangin The Mizoram Bana Kaih (Handholding) Scheme hnuaiah progress partner 4 in loan an la tawh a, CM Special Package thawhkhatnaah progress partner mi 127 thlan niin sumfai pek fel vek tawh an ni. ASF hri leng vanga vawk thi zangnadawmna atan vawk pakhat zelah cheng 4000 pek chhuah a ni a, chhungkaw 1261 ten an dawng a ni.

Fisheries Department kaltlangin PMMSY hnuaiah tanpuina mi 165 henah pek a ni a. The Mizoram Bana Kaih (Handholding) Scheme hnuaiah CM Special Package dawngtu mi 35 an awm a. Cyclone Remal avanga sangha dil chhia zangnadawmna chu fish farmer 124 te hnenah sem chhuah a ni.

Sericulture hnuaiah The Mizoram Bana Kaih (Handholding) Scheme kaltlangin mi 6 in tanpuina an dawng a, sum an dawn tur ang te pek fel an ni tawh a ni.

Land Resources, Soil & Water Conservation Department chuan SASCI hmangin building 3 an sa mek a.  RKVY hnuaiah terrace hectare 6-a zau laih a ni a, mi 11 hnenah tui lakna tur pipe an pe a ni.

Irrigation & Water Resource Department chuan Serchhip Sub-Divion ah project kal lai 5 an nei a. PMKSY-III hnuaiah 2nd installment sum release tawh niin kumin June thlaa thawh zawh beisei a ni. SASCI hnuaia project 8 an kalpui pawh kumin March thla hmaa zawhfel theih an inbeisei a ni.

Thenzawl Forest Division chuan 2025-26 chhung hian CAMPA Scheme hnuaiah Hectare 200 a zauah thing an phun a, mei kawng km42.9 an sial thar a.  Kangmei ven kawngah Serchhip District chuan Mizoram pumah lawmman 2-na kan dawng a, Serchhip Sub-Hqrs YMA chuan ramngaw leh nungcha humhalh kawnga hnathawh that lawmman Green Mizoram Award an dawng bawk.

Women & Child Department hnuaiah East Lungdar leh Serchhip ICDS Project te chuan Poshan 2.0 hneh takin an kalpui a, 8th Rashtriya Poshan Maah (National Nutrition Month) 2025-ah Serchhip District in ‘Best Performing District’ lawmman pahnihna a dawng a ni. District Child Protection Unit chuan April 2025- January 2026 chhungin naupang rethei zual 150 an chhawmdawl a.  Awareness leh Sensitization Programme vawi engemawzat an nei a ni.

Samagra Shiksha chuan Elementary School pakuaah ICT and Digital Initiatives a kalpui mek a. Secondary School 18 te hnenah Flat panel board a pe a. Govt Thenzawl H/S chu cheng nuai 15 senga chei tha in, Buangpuiah Teachers’ Quarters sak a; school dang 10 thuamthat hna te thawh a ni bawk.

Land Revenue & Settlement Department chuan Ram Pass 280 an pe chhuak a.  Land Records Digitization kalpuiin zaah za (20,491 land records) computer-ah thun a ni a. Serchhip Headquarters Land Committee chuan rambuai case 16 a chingfel a.  GIS map-a ram thun runpui pawh ngawrh taka kalpui a ni a; ram 14,144 te chu map ah thun tawh a ni.

UD&PA Department kaltlangin PMAY Housing for All (Urban) hnuaia insak tanpuina dil tu - Serchhip, Thenzawl leh North Vanlaiphai atangin mi 1290 ten tanpuina cheng  1,50, 000 theuh an dawng a. He Scheme hmang hian tun thlengin chhungkaw 2244 ten chenna in an nei tawh a ni.  Bawlhhlawh sawngbawlna Solid Waste Management Centre chu Serchhip leh Thenzawlah sak tan a ni a.  PHE leh Green Herd SP te nen thawkhoin bawlhhlawh thliar hran leh sawngbawl hna chu August 4, 2025 atangin New Serchhip North leh South VC area ah an kalpui tan a, Serchhip khawpui pumpuiah kalpui chhoh zel tum a ni bawk.

Local Administration Department chuan 15th Finance Commission Grant 2023-24 untied leh tied fund atangin VC te hnathawhna tur pawisa a release a. RGSA Scheme hnuaiah kum 2025-2026 chhungin Panchayat Bhawan (Village Council House) sakna tur Thenzawl East, Rullam, Hmunzawl, Buangpui leh Thinglian VC ten an hmu a ni.

Serchhip District-ah MGNREGS hnuaiah kumin chhungin ni 86 inhlawhna siam tawh niin, mipui inhlawhna atan cheng nuai 12.14 sen a ni. Ni za inhlawhna tia kan hriat lar MGNREGA hi a kalphung tidanglam hretin kum khata ni 125 inhlawh theih tawh turin  VBG-RAM-G (Viksit Bharat - Guarantee for Rozgar and Ajeevika Mission Gramin) tih a ni tawh dawn a. Kum 2026-27 atanga hman tur a ni. Serchhip District MzSRLM hnuaia SHG 801 te sum puk kual tur hi sawrkarin cheng vaibelchhe 13.44 a pe tawh a. SHG member zingah cheng nuai 1 chunglam la lut (Lakpati Didi) pawh chhungkaw 856 an tling tawh a ni. DDU-GKY hnuaiah kan District chhunga thalai mi 382 ten sawrkar bultumin a thlawnin trade hrang hrang an training a, mi 271 in India ram hmun hrang hrangah hna an hmu tawh a ni.

CM’s Handholding Innovative Challenge 2025 ah project proposal thehluta intihsiak a ni a; Serchhip BDO huam chhungah Keitum VO in lawmman 2na, Baktawng VO in lawmman 3na an dawng. SELCO Foundation nena thawk hoin SHG member 51 in Solar Inverter an dawng bawk.

Commerce & Industries Serchhip kaltlangin PM Vishwakarma hnuaiah mi 46 in loan an pe hmu a. PMVK ah hian Serchhip District hi Mizorama titha ber kan ni. PMEGP loan mi 10 in an hmu tawh a, kumin hian mi 6 in Margin Money an la tawh a ni. Handholding (loan component) ah progress partner 4 an awm a, CM Special Package 1st phase ah progress partner 135 in pawisa an dawng fel tawh bawk a ni.

CM’s Handholding Innovative Challenge 2025ah Khawlailung Multipurpose Cooperative Society chuan District Community Innovation Challenge ah lawmman an dawng a. Thenzawl Handloom & Handicraft Cooperative Society chuan MAHCO hnuaia kum 2024-2025 chhunga titha ber Best Performing Cooperative Society lawmman an dawng a ni.

Serchhip District Civil Supplies Office chuan ei leh bar tlachham lova furpui kan paltlang theih nan Monsoon Stock kudam 6-ah dahkhawl a. Khawlailung leh Serchhip Town Area ah LPG home delivery hlawhtling taka kalpui a ni.

District Treasury Office chuan Centrally Sponsored Scheme (CSS) tan SNA Sparsh chu a hmang tan tawh a. Beneficiary ten rang taka an sum dawn tur an dawn theih nan SNA Sparsh ah hian IFMIS, PFMS leh RBI e-kuber te chu thlunzawm a ni.

District Transport Office chuan nikum kumtluan khan lirthei 775 an register a, driving license 1001 an pe chhuak a ni.

Thiante u,

Mipui sawrkar chakna thahrui hi sawrkar chaknaah chauh a innghat lo a. “Tui mal far te te, tiauvut hrang awm khawm, tuipui lian a lo thlenin, ram nuam a lo awm” tih kan zir thin ang khan, keini he ram khua leh tuite hi kan pawimawh tih hria ila. Keini leh kan fate, thangthar lo la awm leh zel turte hnenah, ram tana inpekna leh ram hmangaihna thinlung i tuh zel ang u.

He Republic Day denchhen hian, Serchhip District fai, thianghlim, mawi leh hmasawn kan siam theih nan, thawhpuiah mi tinte ka sawm che u a ni.

Ka lawm e

Jai Hind!