Kumin Green Mizoram Day denchhen hian Environment & Forest Deptt. chuan chhungte thi tawh emaw, tu hming chawi/hriatreng nan ‘Sponsor Tree Planting’ hun a hawng.

Sponsor Tree Planting ti duh chuan Rs. 1500/- mi pakhat tan PCCF Office ah emaw, DFO Aizawl Division ah pe in an mi duhsakte hming chawiin thing an phun thei a, a bak enkawlna, thir len leh tul dang hmangin Forest Deptt. hian thing puitlin thleng an enkawl sak dawn a ni. He thing hungna ah hian a phuntu leh a phun chhan mawi taka tar a ni bawk dawn a ni.

Nimin Green Mizoram Day-ah khan Sponsor Tree Planting hi Chief Minister Pu Lal Thanhawla chuan a nu Pi Sawmliani (L) hmingin a phun nghal a, Pi Riliani chuan Pu Hawla pa Pu Hmartawnphunga Sailo (L) hmingin a phun a. Pu Hawla te fapa Pu Lalthanzauva Sailo (L) hmingin a nupui Pi Rosie chuan a phun bawk.