Sports & Youth Services Minister Pu Zodintluanga rawtna angin vawiin chawhnu khan I & PR Auditorium-ah Mizoram chhunga sports association hrang hrang hruaitute leh Sports Minister te an inkawm ho a, Minister hi Parliamentary Secretary Pu S.Laldingliana leh Sports Director Pu Zoliana Royte ten an tawiawm a ni.
Thuhmahruai sawiin Minister chuan hetianga inpawh taka association hruaitute nen inkawmna buatsaih hi a duh aia hma in a neihpui theihloh thuah an hriatthiamna a ngen a. V/C election, Budget Session leh MP Election te avangin vawiin hi a hun remchang hmasa ber a nih dan tarlangin inpawh taka sport game chi hrang hrang kalpui tum dante sawiho tulin a hria a. Sawrkar tharah Budget tharah Sports Policy thar nen chak taka hmalakpui a tum thu Association hruaitute chu a hrilh a ni. Pu Zodintluanga chuan eng infiamna ah pawh hming lang thama infiammi chherchhuak tur chuan a bulthum naupangte atanga tan pawimawh a tih dan sawiin Association hruaitute pawh hian chutiang chu rilru ah neih se, kum 4 kum 5 kum 10 hnuah State, National leh International Level-ah infiammi kan chhawpchhuah theih ngei a rinthu a sawi a ni. Sport Policy pawh duan mek niin hun reilote hnuah thlir theih tura chhawpchhuah a ni ang a ti a. Rajiv Gandhi Stadium, Mualpuia sak tanna tur pawh hun reilote chhungin a riruang hmuh theih a nih a rin thu te. Vawiin maia lokal 13th Finance Commission te hnenah pawh sum tam tham tak he Stadium tihpuitlin nan hian dil a nih dante Minister hian a sawi a. Republic veng a Sports Complex siam dan tur ruangam te, Thenzawl a Women’s Hockey Field peihfel tep a nih dante sawiin Sports ruangam (Infrastructure) lamah pawh nasa taka tan lak a ni, a ti. Heng zawng zawng tihhlawhtlin nan hian Sports Association hruaitute chu an ngaihtuahna te senga sawrkar finchhuah fo turin Minister hian a sawm a ni.
Parliamentary Secretary Pu S.Laldingliana pawhin thu sawiin National Participation bikah inbuatsaihna mumal leh fel Proper Coaching a pawimawh a ni, a ti a. Rampawn a infiamna thila fehchhuak tur te reng reng chu uluk taka zirtir leh enkawl, buatsaih hmasak fo a pawimawh a, hei hi Association hruaitute chuan hrereng se a duhthu a tarlang.
Vawiin inkawmhona ah hian Mizoram Sports Association hruaitute an kal tha hle a, an Association hmalakna a harsatna an neih hrang hrangte, hmachhawp an neih leh sawrkar an beiseinate huam zau takin an sawichhuak hlawm a ni.
Parliamentary Secretary Pu S.Laldingliana pawhin thu sawiin National Participation bikah inbuatsaihna mumal leh fel Proper Coaching a pawimawh a ni, a ti a. Rampawn a infiamna thila fehchhuak tur te reng reng chu uluk taka zirtir leh enkawl, buatsaih hmasak fo a pawimawh a, hei hi Association hruaitute chuan hrereng se a duhthu a tarlang.
Vawiin inkawmhona ah hian Mizoram Sports Association hruaitute an kal tha hle a, an Association hmalakna a harsatna an neih hrang hrangte, hmachhawp an neih leh sawrkar an beiseinate huam zau takin an sawichhuak hlawm a ni.
