Vawiin chawhnu khan Sports & Youth Services Directorate chuan Conference hall ah 68th Senior National football Championship for Santosh Trophy, March 9 a Kanchenjunga Stadium, Siliguri a zu Champion, Mizoram football team player 20 lehCoaching staff 4 te tan chawimawina leh lawmpuina hun an buatsaih sak.

Team aiawh in manager Pu Lalbiakzuala leh Head Coach Pu H.Vanlalthlanga ten an Champion na kawng an zawh chhoh dan te an tarlanga. Coach H.C. Zarzoliana’n Player leh coaching staff te hmelhriattirna a neih hnuin Mizoram team te hnenah ah Sports Department chuan lawmpuina thilpek a hlan a ni. Lawmpuina leh chawimawina thuziak MFA hnenah hlan a ni bawk.

Mizoram team te Santosh Trophy kheltur a an feh chhuah hlana sem chhuah,Cash incentive award Rs 5000 ve ve chu Gold medal lak vanga dawng ve tura thlan, la dawng ve rih lo, R.Laldanmawia leh Lalfakzuala te hnenah hlan a ni.

Felicitation programme hi Pi K.Lalliantluangi, Joint Director, Sports & Youth Service Department in a kaihruai a. Sports Director Pu Lalzirmawia Chhangte leh MFA President Pu Lal Thanzara ten Player te fuihna leh lawmpuina thusawina hun an hmang bawk a ni.