Vawiin khan Sports Minister Pu Zodintluanga hovin a Office Chamber-ah Cash Incentive dawng tur sport discipline hrang hranga infiammite thlanna Board meeting neih a ni.
Sports Minister Pu Zodintluanga, Board Chairman ni bawk chuan kan ramah sport discipline hrang hranga hma kan sawn theih nan cash incentive hi infiammite tana ruahman a ni tiin, kum tin a tahtawla sem a nih theih nan plan estimate ruahman theih ni se tiin Planning Department aiawh lo kal chu a ngen nghal a ni.
He meeting hian Financial kum 2012-2013 atanga 2015-2016, kum li chhunga cash incentive la pek loh chu sem chhuah ni se tiin a rel a, proposal hi planning-ah theh luh nghal ni bawk se, an ti. Cash incentive sem tur hi The Mizoram Sports Incentive Cash Award Rules, 2011 danin a phal angin discipline hrang hranga Official te hnenah pawh sem nghal ni se, tiin an rel bawk.
He meeting-ah hian board member Sports & Youth Secretary Pu H.L Rochungnunga, Director Pu Zothanmawia, Planning Deparment Principal Advisor Pu Saihlira, Law & Judicial Department U/S Pi R. Lalmuankimi leh Sport & Youth Services Official dangte an tel bawk a ni.
