No.7002/2020-2021

Tukin zing khan Sports Minister Pu Robert Romawia Royte hovin nimina video-conferencing-a a hawn tak Rajiv Gandhi Sports Stadium a Khelo India State Centre of Excellence, a taka kalpui thuai a nih theih nan a hmun hma te Sports & Youth Services Department hotu te leh Sports association hruaitu te nen an en ho a. R. Dengthuama Hall pawh tlawhin a zawla Outdoor Gym siam mek hnathawh kallai an thlir ho bawk a. Hemi hnu hian Republic Vengthlanga Aizawl Indoor Stadium leh Market sakna tur pawh Republic Vengthlang Local Council hotu te nen an enho leh a ni.

Inkawm hona tawite an neihah thu sawiin Sports Minister chuan  Aizawl Indoor Stadium sak tum a nih thu leh kawngan lai chu Market leh ATM Booth atan hman a nih tur thu a sawi a, Khelo India scheme atangin tunhnai maiah khan cheng nuai 450 an hmuh thar thu a sawi bawk. He huna thusawitu Republic Vengthlang Local Council Vice Chairman  Pu Lalthara chuan Sports Minister in Indoor Stadium leh Market sakna tur sanction a bawhzuinaah lawmthu sawiin, hna tan a ni mai tur chu Republic Vengthlang mipui an lawm hle tih a sawi bawk a ni.

He Khelo India State CoE-ah hian sports discipline 3 Viz Boxing, Weightlifting leh Judo te bul tan nan thlur  a ni ang a, heng discipline 3-ah hian infiammi talent nei tha bik 300 enkawl an ni ang. He centre kalpui nan hian Sports Ministry chuan cheng nuai 225.75 a ruahman fel tawh a, January 2021 atangin programme te tan tum a ni.

Khelo India CoE tur endiknaah hian Pu TC Pachhunga Vice Chairman, SYAICTT Board,  Pu H.Lalengmawia,IAS, Secretary, Sports & Youth Services leh Officials dangte bakah Sports Association hruaitu te an tel a ni.

Attachment

  • Loading attachment...