No.7003/2020-2021

Vawiin khan DC Conference Hall, Mamit-ah Dr. Lalrozama, IAS, District Bawrhsap hovin Mamit District ramri hrula khaw awmte hmasawnna hna chak zawka kalpui dan tur sawiho a ni.

Meeting-ah hian Mamit District ramri hrula awmte tana hmasawnna hna chak taka kalpui anih theih nana RIDF( Rural Infrashtructure Development Fund) leh Scheme dang hmanga hmalakna zirchianna neih a ni a. Ramri depa Mizo khuate hi an khaw chanchin kimchang zirchian nise tih niin,  Zirchianna lo nei tur hian SDO (C) Kawrthah kaihhruaina hnuaiah YMA leh MUP te'n lo zirchiang se tih a ni bawk. 

Heng khua-a hmasawnna ruhrel duanga RIDF leh Scheme dangte atanga hmasawnna hna kalpuina tur hian a concern Department te'n Ni 8 January, 2021 ral hmain Project lo siam se tih niin Report hi District Bawrhsap Office-ah thehluh nise tih a ni.

Vawiin Meeting-ah hian PD, DRDA, Sr. EE, PHED, EE, P&E, EE, PWD, DIPRO, Sub. Hqrs YMA, MUP leh thutharthehdarhtute an tel a ni.