Vawiin khan I & PR Conference Hall ah Sports & Youth Services Minister Pu Zodintluanga Mizoram State Sports Council President ni bawk kaihhruai na in Mizoram State Sports Council General Body Meeting neih a ni.

Sports lam kaihhnawih leh infiamna hmun tha zawk Stadium thar neih zel theih nana hmalak tawh leh hmalak chhoh mek dan Pu Zodintluanga chuan a sawi a. Aizawl veng thenkhat ah leh Champhai, Lunglei leh Kolasib tunhnaia a tlawh report a pe nghal bawk a ni.

MSSC Secretary Pu C. Laltlanthanga chuan kum 2014/15 chhunga Mizoram chhunga hmalakna hrang hrang report a pe a, General Body Meeting hmasa zawk leh tun thlenga hmalakna hrang hrangte a sawilang bawk.

Vawiina meeting ah hian 2015/16 chhung atana MSSC hnuaia association hrang hrang 31 te tana budget Cheng Nuai 340 chu pawm a ni a, nakkum 20th April, 2016-a MSSC Ruby Jubilee lawm tum ah, association hrang hrang indinchhoh dan tarlanna lehkhabu siam ni se, tih chu pawm a ni bawk. November 5-7, 2015 chhunga DDK Aizawl leh DD Sports tangkawp in an buatsaih tur Mizo Indigenous Games Festival-a MSSC thawhpui-a an sawmna chu pawm a ni bawk.