No.757/2020-2021

Vawiin khan Sports Minister Pu Robert Romawia Royte hovin Volleyball Indoor Hall sakna tur hmun enho a ni a,College Venga Football field leh Republic Vengthlanga Govt T.Romana College Compound a Multi Utility Centre sak tura rawtna hmun an thlirho bawk.

Minister chuan Mizoramah Standard Volleyball Court neih ve tul a tih thusawiin Mamit-ah Rs 1200 lakh senga sak mek bakah Aizawl remchang laiah International Competition pawh khelh theihna tur din tumin Sorkarin tan alak mek thu a sawi a. Mualpuia Sports Hostel chung zawma sak rawtna awm chu duh anga a len tawkloh avangin Ramhlun Sports Complex hmun a sa turin sum dilchhuahnana DPR siam vat tum anih thu a sawi.

College Veng area chhunga awm Venghlui Football Field tihchangtlun dan tur pawh Sports Minister ho hian a hmunah enho a ni a, Parking hmunpui leh mipui mamawh hmunhma siam tel theih anih leh nihloh te a field a thuneitu te leh Department Engineer ten lo enho se tiin thu dah a ni.

Republic Vengthlanga awm Govt T.Romana College ten an College mamawh Sorkara an thlen mek pawh a hmunah enhovin State Budget pawnlam atanga sum hmuh theihnan DPR siam tura hma alak pui tur thu Minister chuan a hrilh a, Republic Vengthlang Local Chairman leh Branch YMA tepawhin vengchhung mamawh Minister hnenah hian an lo thlen a ni.

Sports Minister Pu Roberta hi Er H.Lalzirliana MLA leh Mizoram Volleyball Association President Pu K.Liantlinga; Vice Chairman,Social Rehabilitation Board,Pu Lalsangliana Director of Sports,Pu C.Laltlanthanga,Secretary Mizoram State Sports  Council leh midang ten an tawiawm a ni.