No.756/2020-2021

Mizoram Sawrkar ruahmanna kaltlanga thenawm State atanga Champhai mi leh sa tangkhang lo haw vawiin May Ni 2, 2020 thlenga Champhai lo thleng tawh, hriselna te enfiaha inkhunghranna Quarantine Centre-a a dahluh tawh chu an vaiin mi 22 an ni. Heng zinga mi 16 te chu Khawkawn Tuivai kaltlanga Manipur atanga Champhai lo hawte niin, a dang 6 te chu Vairengte kaltlanga Assam atanga lo haw te an ni a. Vairengte kaltlanga Meghalaya atanga lo haw mi 6 te kawnglakah an la thang mek bawk a ni.

Khual lo thleng te lo dawngsawnga, an hriselna endik, venhimna siam, ei leh in pek leh tul dangte buaipui turin Champhai District Aministration, Police, Medical team, Quarantine Centre Nodal Officer-te leh Procurement Nodal Officer-te chuan a tul angin hma an la zel a. Nimin thleng khan Manipur atanga lo haw 4 leh Assam atanga lo haw 4 te an awm a. May Ni 1, 2020 zanrei tawh taka Manipur atanga lo haw mi 12 leh tukin lama lo thleng Assam atanga lo haw mi 2 ten an belhchhah leh a ni. Tangkhang rawn hawte hi an hriselnate enfiah niin, Rapid Antibody Testing hmanga test an paltlang hnu hian DPRC Quarantine Centre, Keifangtlangah ni 14 chhung dahhran turin dahluh an ni. Danhran hun chhung hian an hriselnate te uluk taka vil reng ani ang a, chhuah hunah endik leh a ni ang. Tihian tun thlenga lo haw tawhte chu an vaiin mi 22, Manipur atangin 16 leh Assam atangin 6 te an ni a. A hma a dan lo a ramri kan man mi 1 lo awmsa tawh tiamin, DPRC Quarantine Centre, Keifangtlangah hian tundinhmunah mi 23 an awm mek a ni.

Attachment

  • Loading attachment...