467/2022-2023
Aizawl, the 11th May 2022 : Vawiin hian Sports Minister Pu Robert Romawia Royte chuan Aizawl South I biala Central sorkar tanpuina(Central Assistance to States for Capital Expenditure) sum hmanga veng pasariha hnathawhna hmun turte a tlawh a. Bethlehem Veng Sihluia Luikawr chunga kawngpui siam tur te, Bethlehem Vengthlang mawng lama inkalpawhna kawngpui laihna tur te, College Venga inkalpawhna kawng te, Republic Vengthlanga Link drain siamna tur te, Republic Venga internal roads te, Venghluia kawngpui pengthuam siamthat turte leh Upper Republic Hall sak zawma hall thar sakna tur hmunte PWD EE te leh khawtlang hruaitute nen an enho a ni.

Veng hrang hranga amah lo kawmtute hnenah thusawiin Minister Pu Roberta chuan hnathawktu tur zawng zawng te pawhin tha takin hna an thawh Sawrkarin a phut tih sawiin, Chief Minister Pu Zoramthanga zarah Aizawl South I-ah pawh Mizoram hmun hrang hrang angin hmasawnna a thleng tan mek a ni a ti a. Covid-19 avangin hun rei tak harsatna tawk mah ila Pathian zarah boruak tha a thleng mek a, beiseina thar nen hma lam i thlir tawh ang u tiin Minister chuan a sawi.

Minister hi Pu David Zohmangaiha, Bialtu Councillor, Pi R.Lalbiaksangi EE PWD, Aizawl Road South bakah official dangte an tawiawm a ni.