1815/2022-2023
Aizawl 5th September 2022: Vawiin khan Aizawl E-II Bialtu MLA leh Minister of State ni bawk Pu Robert Romawia Royte chuan Chhinga Veng PS I-ah Teachers' Day khuallian niin a hmanpui a, inkhawm hi Pu Rosangzuala Headmaster-in a kaihruai a ni.

Khuallian Pu Robert Romawia Royte chuan thu sawiin zirtirtute chu hnam rohlu, khawtlang leh mi mal tin tihmasawntu an ni a. An puala ni bik siam hi an phu a, he ni-ah hian zahna chibai kan buk a ni a ti a. Chhinga Veng PS-I chu kum 15 liam taa Aizawl East-II bialtu Minister Pu H.Vanlalauva(L) hova Chhinga Veng Education Plan lo siam tawh zulzuia English medium-a leh a nih thu a sawi a. Khatih laia Sorkar leh veng chhung mipuiten inlungrual taka sikul leh hall building tha tak sak a nih thu a sawi bawk.

Sports Minister Pu Robert Romawia Royte chuan a bial Aizawl E-II bial chhunga Sorkar sikul zawng zawngte chu a MLA Fund atangin Rs 20,000/- theuh Teachers' Day puala a pek thu a sawi a. Teachers' Day a hmanpuina Chhinga Veng PS-I chu sports items chi hrang hrang pein Teachers' Day duhsakna a hlan bawk a ni.

He Function-ah hian Chhinga Veng Local Council Chairman, YMA Branch aiawh, MHIP Branch aiawh leh MUP Branch aiawhten thu an sawi a ni.

He sikulah hian Zirlai naupang 112 awmin zirtirtu 6 an awm mek a, Teachers' Day pual hian intihsiakna hrang hrang an nei a, lawmman semna neih nghal a ni bawk a ni.