No.3839/2021-2022

Aizawl the 28th Jan 2022: Vawiin khan Multi Car Parking-cum-Basketball Court, Dawrpui Venga sak lai mek chu bialtu MLA leh Sports Minister ni bawk Pu Robert Romawia Royte chuan a tlawh a. A hmunah hian Tensile Roofing siam dan tur leh gallery siam dan turte PWD hotute, Sports Department hotute leh Contractors te nen an endik a. Drawings te enhovin a hmunah sak a nih dan turte chipchiar takin an thlirho a ni.

Sports Minister chuan Mizoramin Standard Basketball Court kan neih chhunah indaihlohna a nasa a. Standard Basketball Court nei tura tanlak a pawimawh tiin PWD hotute leh Contractor te chu chak taka hma la zel turin a fuih a ni. Minister ho hian a roof design atana duhthlan tur Drawing design 2 awmah thutlukna an siam fel a. PWD leh Contractor te chuan April 2022-a zo hman hna tawh an tum a ni.

He project hi Rs 529 Lakh-a zawh tura ruahman a ni a, a chhawng hnuai chu parking tura siam zawh tawh niin, a chungah Basketball Court leh Gallery te a awm thung dawn a.Hall chung atan hian Mizorama la hman ngailoh Tensile Roofing hman a ni dawn a ni.

Vawiina project enhonaah hian Pu George Lalzuia, Chief Architect, PWD, Pu C.Lalchhuana, Chief Engineer (Building), PWD, Pu Lalsangliana, Director, Sports & Youth Affairs, MSSC Engineer te leh Dawrpui khawtlang hruaitute an tel a ni.

Attachment

  • Loading attachment...