No.3840/2021-2022

Aizawl the 28th Jan 2022: Fire and Emergency Services chuan kangmei laka mipuite fimkhur lehzual tura chahin, a hnuaia mi ang hian hriattirna leh ngenna a tichhuak.

Khua a lo thal leh tan tak avangin kangmei lakah mipuite kan fimkhur leh zual a pawimawh ta hle a. Tun hnai maiah pawh hmun hran hranah kangmei chhuak avanga in leh lo chan hriat tur a awm leh ta nual a. Kangmei laka fimkhur tura inngenna leh sawrkar thuchhuak te pawh kan ngaih pawimawh a tul em em a ni. Kangmei chhuak hi a tlangpui chuan inthlahdahna (Negligence) vang a ni thin a. Vanduai vang hrim hrim hi hi chu thil thleng khat tak a ni.

Kangmei a lo chhuah palha Information pekna tur chu Fire Station ah a ni a. Engemaw avanga Fire Station be pawp thei lo chuan ERSS (Emergency Response Support Sytem) number 112 ah call thin tur a ni. ERSS duty naah hian Medical, Police leh Fire lam mi te 24x7 in an duty reng bawk a ni. Kan awmna atanga hnai ber Fire Station phone number te hi mahni Mobile Phone a kan chhinchhiah(save) theuh theih nan rawn tarlan a ni e.

Kan khawsakna leh chetvelna kawng tinreng ah kangmei tichhuak lo turin mitin i fimkhur theuh ang u.