4196/2023-2024

Aizawl, the 16th of March, 2024: Tukin dar 9:30 khan Sports Minister Pu Lalnghinglova Hmar, Aizawl West-II bialtu MLA ni bawk chuan Dawrpui Vengthar Local Council te nen veng chhunga hna thawh ngai leh thawh mek thenkhat te a hmunah a enfiah. A bikin CP road leh Sairang road inkar step tuiluankawr hnawhtu leivung thenfai dan tur chu Public Works Department Engineer leh khawtlang hruaitute nen ruahmanna an siam.

CP road leh Sairang road pawhtu step sir leh hnuai hi a bula leimin in a hnawh a. Leivung hi la che leh mai thei a nih avang leh, a hnuai kawngpui a hnawh a hlauhawm  avangin PWD leh khawtlang tangrualin ruahtui tlak hma ngeia hnatlang a thenfai turin ruahmanna siam nghal a ni.

Minister Pu Lalnghinglova Hmar hian Dawrpui Vengthar Anganwadi Centre No. II sak pawh enin, khawtlang hruaitute nen hna thawh hmabak leh hmalak chhunzawmna tur te an sawiho a ni.

Tukinah hian Sports Minister hi PWD Engineer leh Dawrpui Vengthar khawtlang hruaitute’n an ṭawiawm a ni.

Attachment

  • Loading attachment...