782/2022-2023
Aizawl the 4th June, 2022 : Tukin khan Sports Minister Pu Robert Romawia Royte chuan Durtlang North tlawhin khawtlang hruaituten Multipurpose Indoor Hall siamna tura an ruahman a hmunah a enpui.

A hmunhma te enfel hnua Function tawite buatsaih chu Aizawl Mayor Pu Lalrinenga Sailo-in a kaihruaia a. Tourism Minister ni bawk Pu Robert Romawia Royte chuan Pro Volleyball neih zawh taka Durtlang North Volleyball Club an Champion chu a lawmpui hle tih sawiin, Club enkawltute leh Players te an fakawm a tih thu a sawi. Durtlang area chu tourist te hip lehzual tura cheibawl tumin Tourism Deptt-in hma an la mek zel tih a sawi.

Sports Minister chuan Aizawl khawpuiin sports infrastructure tha a mamawh belh tam hle tih sawiin, Volleyball Competition neihna tlak hall siam tura lungphum tawhna hmun chu Branch YMA atanga dodalna avangin harsatna kan tawk a ti a. Minister chuan Durtlang North te nen mumal zawka sawiho lehin Indoor Hall tha tak sual chhuah theih ni se a duh tih a sawi a, National level competition neihna tlak sports discipline hrang hrangin an mamawh tih a sawi.

Minister hi Er H.Lalzirliana, MLA & President, Mizoram Volleyball Association leh Aizawl Mayor Pu Lalrinenga Sailo bakah midang ten an tawiawm a ni.

Attachment

  • Loading attachment...