4481/2024-2025
Dated Aizawl: the 28 February 2025: Vawiin chawhnu dar 1:00 khan, Sports &Youth Affairs changtu leh Mizoram State Sports COuncil (MSSC) chairman ni bawk Pu Lalnghinglova Hmar chuan a Office Chamber, Minico-ah tunhnaia India ram pum huap leh khawvel pum huapa Mizoram aiawha infiammi titha zualte hnenah lawmpuina thilpek a hlan.
He hunah hian Sports Minister Pu Lalnghinglova Hmar chuan lawmpuina leh fuihna thute sawiin, Mizoram sawrkar chuan rilrua kum 2036 Olympic nei reng chungin Mizorama infiamna leh Infiammite chu a vil zui zel dawn tih a sawi a. Mizote chu infiamna lamah chuan hmasawn hlein inhre tawh mah ila, hnam anga kan tih theih zualna lai zawn thiam leh tih tak zetna kan neih a pawimawh tih sawiin, Sports Policy thar pawh sawrkar chuan duangin Cabinet pawhin a pawm tawh thu a sawi a. Infiammite chu tun aia medal tam zawk Mizoram tana hawn theih tura inbuatsaih tur a fuihin, Department pawhin theihtawp chhuaha thingtlang lam thlenga Infiammite zawn chhuah kawnga tan a lak tur thu a sawi bawk a ni.
Vawiina lawmpuina hun hi Pu Henry C. Lalrawnkima, Secretary, MSSC chuan a kaihruai a. Infiammite nen inkawmhona hun hlimawm tak hman nghal a ni bawk a. Lawmpuina thilpek dawngte hi kumin National Sports Day, 29-August-2025-ah lawmpuina pawisa fai hlan leh an ni ang.
A hnuai a mite hi vawiin a lawmpuina thilpek hlan takte chu an ni:
1. Lalthlamuanpuia Taekwondo (38th National Games) Gold,
2. Daniel Lalhumthanga Taekwondo, (38th National Games) Gold,
3. H. Vanlalfela Taekwondo (38th National Games) Gold,
4. R., Lalchhandama (Coach) Taekwondo (38th National Games),
5. Lalinpuia (Coach) Taekwondo (38th, National Games),
6. Nazareth Lalthazuala Wushu (38th National Games) Bronze,
7. Lalrinliana, (Coach) Wushu (38 th National Games),
8. David Vanlalhruaia Rifle (67th National Shooting, Championship) Gold,
9. Denic Lalruattluanga Arm Wrestling (World Arm Wrestling Championship, 2025) Silver,
10. David RK Lalnunmawia Powerlifting (14th National Senior (Open) Classic, Powerlifting Championship 2025) Silver,
11. Mark Vanlalruatfela Powerlifting (14th National Senior, (Open) Classic, Powerlifting Championship 2025) Bronze,
12. Samuel Vanlaltanpuia Powerlifting (14th National Senior (Open) Classic, Powerlifting Championship 2025), Gold, Gold, Silver,
13., Lalhmangaihsanga Powerlifting (14th National Senior (Open) Classic, Powerlifting Championship, 2025), Silver, Bronze,
14. Abraham Lalthakima Powerlifting (14th National Senior (Open) Classic,, Powerlifting Championship 2025), Silver, Bronze,
15. F. Lalmawipuia (Coach) Powerlifting (14th, National Senior (Open) Classic, Powerlifting Championship 2025),
16. Lalrinsanga (Manager), Powerlifting (14th National Senior (Open) Classic, Powerlifting Championship 2025)
