Vawiin khan Sport Minister Pu Zodintluanga hoin Kolasib khawpui chhunga Stadium puitling sakna tur leh Artificial turf phahna tur hmunte a en.

Vawiin a sport Minister Pu Zodintluanga hovin khawtlang hruaitute leh District Sport committte hruaitute hova stadium puitling sakna tur hmun Kolasib venglai Field chu a hmun hma te en hona neih a ni a, Stadium sakna tur hmun hi Kolasib khawpui laili taka awm anih avang leh ahmunhma leh awmdan ten a zir avangin Stadium puitling sakna tur atan pawha hmun rem anih thu sawi ho a ni a, a hmunhma enfiah hnu hian PWD Staff Loadge ah Khawtlang aiawh hruaitu te leh District Sport Committtee hruaitute nen ruahmanna siam dan turah thutkhawm a ni a, he thukhawmah hian Stadium puitling sakna tur venglai Feild leh Football Practice Ground (Artificial gass phahna tur) hmunte sawihona neih a ni a, Sport MInister Pu Zodintluanga chuan Kolasib ah stadium puitling awm ngei se a duh thu leh he stadium hi kolasib mipuite mai nilovin Mizoram mipuite pawhin an chawr tangkai thei dawn a ni a ti a, amaherawh chu heng an ruahmanna siamte hi north Eastern council (NEC) ah DPR siama thehluh anih tur thu minister hian sawiin, a hlawhtlin ngei theihna turin theihtawp chhuaha tang ho a tul thu a sawi bawk a ni.

Vawiin a thutkhawmah hian Stadium sakna tur Field hmun hma te lo zir chian tur leh a ram zau zawngte lo teh fel turin District Urban development Officer chu minister hian a chah a, Football practice ground (Artificail turf phahna tur) hmun tur KVK ram chu District Sport Committte ten an chairman DC Kolasib hovin en nise an ti bawk a ni.