Tukin zing dar 7:00 khan Sports Minister Pu Zodintluanga’n LDSC Ground No - I leh No-II hmalakna kalpui mek te LDSC, MJA leh PWD hotute nen a hmun ah a endik.

Minister chuan thalaite rualawhna sawrkarin hriatthiam saka infiamna khawvel a hmasawnna rahbi hmun tam tak a din a ni ati. Thalaite pawhin heng thil tha te hi chhawr tangkai ngei se tih sawrkar in a duh thu a sawi.

Tukin a a endik LDSC ground NO-II a siam mek Lawn Tennis Court, Basket Ball Court, Volley Ball Court leh SAI Hostel leh SAI Extention Centre te chu a tha thawkhat a tih thu a sawi bawk. SAI Extention Centre ah hian naupang 40 te tan Januar 15, 2012 atangin Boxing, Wrestling, Judo, Taekwondo Coching neih hman tum a ni. Hemi hnu hian Thuamluaia mual a phullem phah hna thawh chu en lehnghal in, Serkawn, Theiriat mual te leh Zobawk Mini Sports Complex hna chak tak a kalpui mek a nih thu a sawi bawk.