Nimin chawhnu khan Circuit house Conference Hall-ah Pu Joseph Lalhimpuia, MLA, Vice Chairman, HPC & Chairman District Level NLUP Monitoring Committee Lunglei ruahman angin District Level NLUP Implementing Committee Joint Meeting neih a ni.

District Level Implementing Committee Co-Chairman Pu V.Sapchhunga, IAS, DC, Lunglei chuan Pu Joseph Lalhimpuia thahnemngaihna leh ruahmanna anga Joint Meeting neih anih thu sawiin Line Department te leh Chairman NLUP Implementing Board Aizawl te nena an harsatna te sawi tlang theihna hun an nei thei chu a lawmawm takzet a ni a ti.

Pu Joseph Lalhimpuia, Vice Chairman, HPC leh Chairman District Level NLUP Monitoring Committee Lunglei chu he meeting-ah chairman niin, Pu Joseph Lalhimpuia chuan a hmun ngei ah Line Department ten an harsatna an thlen thei hi a lawmawm hle a. Meeting hi hlawk thei ang bera an hman ngei a beisei a thu a sawi. Officer te inpekna ah lawmthu a sawi rualin beneficiaries te hnena beisei nei an awm a hriat thu leh pawi a tih takzet thu a sawi a ni. Sorkar hian inthlan dawna Manifesto a a neih anih ang ngeiin, tunah hian NLUP chu mirethei ten eizawnna ngelnghet an neih na turin chak taka, hma lak mek ani a, Central sawrkar in NLUP atan hian sum thahnem tak Crore 234 lai min rawn pe ani a ti.

Khuallian Pu R.Selthuama, MLA, Chairman, NLUP Implementing Board Aizawl chuan Lunglei District hi NLUP kalpui kawng ah an ti tha ber a, beiseina pawh an nei sang hle a ni a ti. NLUP hmasa kha a buaipui tute kan ni ve a, kan zan kal a vangin engemaw zat chu hlawhtling bawk mahse duhthu a sam lo a ni. Tuna Monitoring leh Implementing ten an kalpui ang hian kalpui nise a hlawhtling ngei ang ati. NLUP kalphung thar ah hi chuan a hlawhtlinna kan hmu tan tawh a a dawngtuten an Trade thlan an beih chuan a hlawhtling ngei ngei dawn a ni. NLUP hmasa a tih takzet a titu te chuan tun thlengin an dinchhuah pui a ni.A dawngtute ah a hlawhtlinna chu thui tak a innghat a chutih rual chuan Monitoring te an pawimawh hle a ni. Benifeciaries te hmalakna a hmun a fan chhuah zung zung a ngai a ni a ti. Mi pawisa lo ei ve tum an awm anih chuan na taka hrem an ni ang hemi kawng ah hian sawrkar pawh a thikthu a chhia. Party mi leh sa emaw sawrkar hna thawk annih pawhin thil diklo taka titu te chu hrem lohin an chhuak lovang ati. Mirethei te chanpual leirem an rah ve theih na Project a ni; lo lak hek a remlo a ni a ti Line Department Officer te nangmahni ah an in nghat nasa hle a Monitoring pawh tha taka an tih ngei a beisei thu a sawi. In hmuh khawm na hi hlawkpui ngei ila Offcial kan ni emaw Non Official kan ni emaw Missionary rilru pu a mirethei te khaichhuah na kawng ah tih takzetin i thawk ang u nangmahni ah NLUP hlawhtlinna turin beiseina sang tak an nei che u in duhsakna ka hlan che u a ni a ti.

Pu Zorammuana, Secretary, NLUP Implementing Board Aizawl pawhin NLUP a an hmalak mekna te sawi langin Line Department ten an harsatna an thlen te pawh hma lakpui dantur a sawi bawk.