Mizorama boxing inelna LPS Pro Fight 2014 chu nizan khan Hawla Indoor Stadium, Republic Vengthlang-ah tan a ni a, he inelna hi Sports Minister Pu Zodintluanga’n a hawng a ni.

Pu Zodintluanga chuan he inelna a tel thalai te chu duhsakna hlanin LPS Pro Fight chu Mizo boxer te tan an talen phochhuahna tha tak mai anih bakah boxing khawvel a Mizo te chherchhuahna kawnga hmanraw pawimawh leh ropui tak anih thu a sawi.

LPS Pro Fight 2014 ah hian boxer 270 vel an tel a, a vaiin bout 270 vel a awm dawn a. Thawhlehni atangin Inrinni thleng zantin dar 8:00 PM ah bout te hi buatsaih a ni ang. Nizan khan bout 8 neih a ni.

Kum dangah te pawh LPS Pro Fight hi neih thin a lo ni tawh a, mipuiin an hlut hle in Mizorama boxing lamah inelna lar ber nia ngaih a ni.