1713/2022-2023
Aizawl, the 26th August 2022 : Vawiin khan Sports Minister Pu Robert Romawia Royte chu Modern English Higher Secondary School Golden Jubilee Mid-Year Celebration Programme-ah khuallian a ni a, Vanapa Hall-ah he hun hi a hmanpui a ni.

Minister Pu Robert Romawia Royte chuan thu sawiin Modern English Higher Secondary School in Golden Jubilee a thlen theihnana bul tan tu, Salvation Army- a mi tangkai leh mi hmasa te vawiinah hriatreng an nih thu a sawi a. Modern English School hian mithiam leh mi ropui hnampum huap leh rampum huapa kan chhhuan tam tak te a lo chherchhuak tawh a ni tiin, School din a pawimawh zia hria a, hma lo la tu te chungah zahna chibai a buk a. Minister chuan Salvation Army hnathawh kan hriatlar em em pahnih chu zirna hmasawn nana school an din leh hnuchham leh rual banlo tanpui chungchangah hian a ni a ti a. Zirna tih hmasawnnan nu leh pa te an pawimawh bakah zirtirtu thahnemngaihna a pawimawh em em tih hre thar leh turin a chah a. Zirtirtute hi kan tan an hlu a, an thawhrimna leh inpekna hi hnamin kan chhuang em em a ni a ti a. Kan fate lehkhazir chungchangah zirtirtute mawhphurhna ringawt niloin nu leh pa chhungte mawhphurhna a ni tih hrethar a, zirna tha dawnnan pillars pathum an awm a ti a, a pakhat na ah nu leh pa, naupang enkawltute an ni a; naupang hun tam zawk hi nu leh pa te ang chhungah a ni a, lehkhathiam lo leh thiam te mawhphurhna a in ang a ni a ti a. A pahnihna-ah chuan zirtirtute an ni a, zirlaite tihthat leh thatloh-ah zirtirtute theihtawp chhuahah a innghat a ni a ti a. A pathumna-ah chuan zirlaite an ni a ti a, thahnem ngaihna leh thiam tumna tak tak nei rilru pu nih a tul a ni tiin a sawi. Minister hian zirlai leh zirlai nu leh pa kal khawmte bakah zirtirtute an kal zelna turah duhsakna a hlan bawk a ni.

He hun hi Pu Lalruatdika, Principal in welcome speech sawiin, report a pe a. Special item hrang hrang action song, solo, timbrel display te leh adangte phochhuah a ni a, hun hlimawm tak hman a ni.

Modern English Higher Secondary School ah hian zirlai 675 vel an awm mek a, Higher Secondary bik ah hian zirlai 207 an awm mek a ni.

Attachment

  • Loading attachment...