2164/2024-2025

Aizawl, September ni 21, 2024: Tukin khan Sports & Youth Services Minister Pu Lalnghinglova Hmar chuan Mualpui, Aizawl-a sports infrastructure hrang hrangte tlawhin a dinhmun a enfiah.

Sports Minister Pu Lalnghinglova Hmar chuan Mualpui-a sports infrastructure hrang hrangte chu Mizoram huap pawha a tha pawl a nih avangin tangkai thei ang bera hman a duh thu a sawi a. Rajiv Gandhi Stadium, R. Dengthuama Hall, Khelo India State Centre of Excellence, MSSC Sports Hostel, R. Dengthuama Hall kawta open gym leh infrastructure dang te chu uluk taka enkawl a, infiamnain hma a sawn phah ngeina tura hman tangkai a pawimawh tih a sawi a ni. 

Minister hi Pu Henry C. Lalrawnkima, Secretary, Mizoram State Sports Council (MSSC) leh MSSC Land & Building Protection Committee member te’n an tawiawm a, hmun hma hrang hrang enho hnuah MSSC Sports Hostel-ah inkawmhona an nei nghal a ni. Inkawmhonaah hian Mualpui mai ni lo, Mizoram hmun hrang hranga sports infrastructure te dinhmun leh hmasawnna tura thawh ngai te an sawiho a, hma lak tawh dante tarlan niin, hma lak zel dan turte an ngaihtuahho bawk a ni.

Attachment

  • Loading attachment...