Sawrkar Laipui a Ministry of Culture hnuaia East Zonal Cultural centre leh Ministry of Youth Affairs & Sports  hnuaia Nehru Yuva Kendra Sangathan (NYKS), Mizoram tangkawp buatsaihin vawiin Youth Hostel, Luangmual, Aizawl-ah ni nga awh tur National Integration Camp hawnna inkhawm buatsaih a ni a, Minister of State for Sports & Youth Services Pu Robert Romawia Royte-in khuallian niin National Integration Camp hi a hawng a, khualzahawm atan Colonel Biplav Tripathi, Commanding Officer, 46 Assam Rifles leh Ms. Madhavi Agarwal, Hon’ble Member, BOG NYKS Delhi te hman an ni.

India ram state hrang hrang 12 atanga thalai rual pungkawm hmaah thu sawiin Pu Robert Romawia Royte chuan NYKS buatsaih National Integration Camp chu amah ngei pawh kum 1986 daih tawha alo tel ve tawh thu leh a hlawkpui em em a ni a ti a. State hrang hrang atanga lokalte chu National Integration Camp hlawkpui ngei turin duhsakna a hlan a ni. Mizorama an cham chhungin a tam thei ang  bera Mizoram nawmna leh mawina, danglam bikna te  zirchhuak a, an thian dangte pawh hrilh ve tura sawmin India hmarchhak leh India ram chhung ril zawk ten inpawmtawn leh inhriatpawh tawn kan mamawh tih a sawi a, India ram mawinaleh ropuina hnam hrang hrang leh tawng hrang hrang hmangte nunphung leh zia rang hrang hrang inzir tawn leh in ngaihhlut sak tawn thei a kana wm hi kan vannei hle a ni a ti bawk.  Mizoram in “Fit Mizoram Movement” a kalpui dan sawiin hnam hrisel leh in fit ten hmasawnna an thleng nasa bik a ni a ti bawk.

Khualzahawm Colonel Biplav Tripathi leh Ms. Madhavi Agarwal te pawhin thu sawiin Colonel Biplav Tripathi chuan thalaite rilru leh taksa hrisel nei tura fuihin, Ms. Madhavi Agarwal pawhin NYKS hmalakna hrang hrang leh thil tum chi hrang hrangte a sawifiah a ni.

National Integration Camp ah hian India ram state 12 – Assam, West Bengal, Bihar, Chhattisgarh, Jharkhand, Kerala, Manipur, Nagaland, Odisha, Sikkim, Tripura leh Mizoram atang thalai 300 rual an fuankhawm a, November ni 29, 2019 thleng Camp hian a awh dawn a ni. Camp neih chhungin cultural programme hrang hrang neih a ni dawn a, Constitution day lawman kleh Constitution rally te neih a ni ang. Hei bakah hian Assam Rifles hmun tlawhin ralthuam chi hrang hrang entirna an chhim ang a, Hringnuna hlawhtling mi chi hrang hrang kawmna hun an neih bakah Imnfiamna leh intihsiakna chi hrang hrang an nei bawk ang.