Vawiin tlai khan Sports Minister Pu Zodintluanga chuan Mizoram Snooker and Billards Association  Hall thar Sikulpuikawn a mi chu hawngin, International Standard Snooker Table, Mizoram State Sports Council hmalakna a an neih chu a tlangzarh nghal a ni.
Pu Zodintluanga chuan Sawkarin in thalai ten infiamna lamah hmasawnna an neih theih nan hma nasa taka a lak thusawiin thalai ten infiamna chu intihlimna mai a hmang lova inpumpekna leh tumruhna nen an infiamna theuhah theih tawp chhuah turin a chhah a ni. Minister chuan Mizo thalai infiammiten an hotute thu an awih a, infiamna hawi a an inthunun chuan an thlen san a beisei thu a sawi bawk.

He programme ah hian  Sports and Youth Services Director Pu Zoliana Royte; Mizoram State Sports Council Secretary Pu Lianzuala leh United Sports Association of Mizoram hruiatute te an tel bawk a ni.