Sports Minister Pu Zodintluanga chuan vawiin khan sports association hrang hrangte chu a pisaah koh khawmin an hnathawh dan leh an kal zel dan tur a sawipui.

Minister chuan Mizo thalaite sports lama hmasawn tur chuan naupan lai atanga uluk taka zir a tul thu sawiin sports association hrang hrangte chu naupang lamah tan la zual turin leh inkhelhna hmunhma pawh naupang zawkte tana kian thiam tur leh remchang siam thiam turin a chah a ni. Sports association thenkhatin association Patron ni tura an sawmna chu lawmawm leh zahawm ti hle mahse sports association zawng zawng enkawltu leh hotu ber a nih avangin association mal bika Patron nih chu remchang lova a hriat thu a hrilh a. Association hrang hrangte hriatthiamna a ngen nghal a ni.