Vawiin chawhnu khan Chief Minister Pu Lal Thanhawla chuan Cabinet Ministers, Council of Ministers, Parliamentary Secretaries leh mi pawimawh dangte a pisa-ah kohin tun hnaia New Delhi-a Internal Security leh North East Plenary Meeting-a an thurel pawimawh chungchang te leh sorkar hmalakna tur hrang hrang a sawipui a ni.
Chief Minister chuan Minister te chu an Department chan te Annual Plan te a rang thei ang bera lo enpui turin leh siamthat ngai lai emaw tih hmasak ngai te lo enfiah turin a hrilh a. New Capital Complex leh sorkar hmun reng rengah mipui punkhawmna hmun (public place) ang chi siam emaw din phal tur a nih loh thu leh Aizawl-ah Stadium puitling nei thuai tura hmalak dan tur te Chief Minister chuan a sawipui a ni.
