No.2248/2021-2022

Aizawl, 16th September 2021: Vawiin khan Mizoram Sports Minister Pu Robert Romawia Royte chuan Niti Ayog CEO Amitabh Kahn chu New Delhi-ah kawmin Mizoramin chak zawka hma a sawn theih nan hmasawnna sum lian tham a mamawh dan te a sawipui a. Ministry hrang hrang hnuaia scheme atangin sum a tam tawk theih loh avangin Mizoram hmasawnna project hrang hrang te chu Externally Aided Project(EAP) atanga sum sanction vat a nih theih nan tan lakpui ah a sawm a. Niti Ayog CEO chuan rang taka hma a lo lak zui nghal tur thu Minister hi a hrilh a ni.

Sports Minister hian Union Sports Secretary Ravi Mittal pawh kawmin project DPR te a theh lut nghal a. Hun reilote chhunga Mizoram tana sum a lo sanction sak chu lawmawm a tih thu hrilhin Pu Robert Romawia chuan tun tuma a DPR submit te pawh sanction lo tihfel sak a tiam avangin Union Sports Secretary chu lawmthu a hrilh bawk a ni.

Minister hi Pu H.Lalengmawia IAS, Commissioner & Secretary, Sports & Youth Services-in a tawiawm a ni.