No.2247/2021-2022

Aizawl 16th September, 2021 : Vawiin khan Swach Bharat Mission (Gramin) buatsaihin PHED Complex, Field Veng Mamit- ah India ramin zalenna a hmuh kum 75- na lawmna kalzela Central Sawrkar Programme, Faina beihpuithlakna Azadi Ka Amrit Mahotsav, Swachhata Hi Seva 2021- chu Dr.Lalrozama IAS, District Bawrhsap/Chairman, District Water & Sanitation Mission Mamit District chuan khuallian niin a hawng.

Dr. Lalrozama chuan faina chu mimaltin atanga a intan a pawimawh a, keimahni kan fai a, kan thenawmte an fai siloh chuan faina tak tak a ni thei lova, faina tak tak nei tur chuan kan zavaia kan fai tlan vek a ngai a ni a ti. Plastic lam leh plastic atanga thil siamchhuah hmang tlem zel tura kalkhawmte chu chahin faina beihpuithlak chu PHED lam tih tur ah chauh dah lovin mimaltin te'na kan mawhphurhna theuh a ni tih hre thar leh turin a chah bawk.

Pu Vanlalchhuanga Chhangte President. Sub. Hqrs. YMA Mamit pawhin thu sawiin faina beihpuithlak kawngah mamawh an nei a nih chuan englai pawha puih an inhuam reng thu a sawi bawk.

Programme hman zawh hian PHE Staff te'n khawchhung tifaiin hnatlang an nei nghal bawk.

He hun hi Er. Lalzawmliana, Sr. EE PHED Mamit WATSAN Division chuan a kaihruai a. Mamit khawpui chhunga Sawrkar Department hrang hrang hotute, khawtlang hruaitute leh tlawmngai pawl aiawhte an tel a ni.

Attachment

  • Loading attachment...