No.2246/2021-2022

Aizawl the 16th, Sept' 2021: All India Radio, Aizawl chuan Art & Culture Department nena tangkawpin India zalenna kum 75-na lawmna ‘Azadi Ka Amrit Mahotsav’ kal zelah Quiz with AIR News tih a buatsaih mek a. Inrinni zan dar 6.30 apiangin he programme hi hman thin a ni. Ngaithlatuten heng quiz-a zawhna chhanna hi sms, whatsapp emaw email hmangin an chhang thei a. A thawnna tur phone number leh email id chu AIR news bulletin, twitter leh facebook page ah tarlan thin a ni. Nakum August, 2022 thleng he programme hi Inrinni zan apiangin an nei thin dawn a ni.

Quiz-a tithate te hnenah lawmman leh certificate pek thin an ni a. Lawmman dawngtute hming hi AIR News bulletin ah leh AIR social media platform hrang hrangah tarlan thin a ni bawk.