389/2022-2023

Aizawl, the 3rd May 2022: Vawiin khan Lengpui Airport-ah Union Minister of State for Minority Affairs Pu John Barla leh Sports Minister Pu Robert Romawia Royte te chu inkawmin Mizoram hmasawnna tur leh a bikin Siaha district hmasawnna tur an sawi dun a. Sports Minister Pu Robert Romawia Royte chuan Union Minister chu Minority Affairs Ministry-in thalaite hmasawnna tur leh Sports infrastructure tam tak Mizoram tana a pek avangin lawmthu a hrilh a. Sports Minister chuan Union Minister chuan amah ngei pawhin a taka ava hmuh angin Siaha district chuan sports hmasawnna ruhrel leh thil dangah mamawh a ngah avangin Siaha district atana state sorkar rawtnate lo ngaipawimawh turin a ngen a. Union Minister Pu John Barla pawhin Mizoram Sports Minister chu DPRs tha taka siama Central sorkara thawn turin a ngen a, theihtawp lo chhuahpui a tum thu a hrilh bawk.

 Vawiin hian tum lawk awm lovin Union Minister leh Mizoram Sports Minister te hi Lengpui Airport-a an chawlh ho avangin an inkawm a, Mizoram pum pui chu Minority areas vek a nih avangin huam zau zawka hmalak dan tur an sawi dun a ni. Minister Pu Robert Romawia Royte chu Guwahati panin ni 4/5/2022-a India President hova Guwahati-a AKAM Meeting-ah Chief Minister aiawhin a tel ang.

Attachment

  • Loading attachment...