388/2022-2023

Dated Hnahthial, the 3rd May, 2022: Vawiin khan Dr. R. Lalthangliana, Minister, Higher & Technical Education, Health & Family Welfare, Commerce & Industries, etc., chuan Hnahthial DC pisaah Hnahthial District Officers hote nena inkawm hona a nei.

He hunah hian Minister chuan, Hnahthial chu district thar anih angin sawrkar hmunhma tihchangtlun zel tur leh hmasawnna hnathawk tur tam tak kan nei a. Chung hmachhawp kan neih hrang hranga in hmalak tawhna chinte, hmabak in neih mekte, in mamawhte lo hriatpui cheua a tul ang zela hmalak ho tha ka tia, in dinhmunte han hriat tharleh duhin hetiang inkawm hona hi kan nei ta a ni, tiin District Officer te nena inkawmna a buatsaih chhan a sawi a. Chumi hnuah officers kalkhawmte hian an hmalak mekte leh an hmachhawpte an sawi hlawm a ni. Dr. R. Lalthangliana hian officer te chu an mamawh, han bawhzui mai theih chi an sawi lante chu ziaka a hnena hrilh turin a chah a. Tin, Hnahthial Press Club hmun tur tihfel vat a duh thu sawi langin a hmunhma tur a fel veleh a sakna tur pawisa chak taka dap nghal kan tum dawn nia, a ti bawk. Heng bakah hian sawrkarin Hnahthial district chhunga hmasawnna hnathawh mek leh hmachhawpte a tarlang a. Tun hnaiah Bangladesh Commerce Minister, Pu Tipu Munshi nen insumdawn tawnna leh inkalpawhna kawnga inbiakna an neih thu leh hei hian Mizoram tana rahtha tak a chhuah zel a rin tlat thu a tarlang bawk a ni.

Minister hian Hnahthial District Office sak mek enin, Officer te nen hmachhawp awmte sawihona an nei nghal a ni. 

Minister hi Aizawl atangin Pu Vanlalhnema, member, Higher & Technical Education Board, Pu J. Lalchhuana leh Pu V. Lallungmuana, members, Commerce & Industries Board, Pu Lalthanzuala, SE, PWD, Pi Zaithanmawii, MD, MIFCO, Pi Malsawmdawngliani, EE, PWD (Building) leh official dangten an tawiawm a. Hnahthial DC mawhphurhna chelh mektu Pi Sazikpuii, MCS, Addl. DC, Pu. Lalremruata Sailo, MCS, SDO Sadaar leh officers dangte an tel a ni.

Attachment

  • Loading attachment...