MZI Gen. Hqrs. buatsaih, Mizoram chhûnga tui lian leh leimin tuarte tanpuina tura Charity Event hrang hrang neih zawh taka an sum hmuhchhuahte chu vawiin khan Aizawl Press Club-ah semna inkhawm an nei a. He hun hi Sports Minister chuan hmanpuiin Charity sum hi a sem nghal bawk a ni.

Charity Event hi chi thuma kalpui niin HELP Live Phone-In, HELP Mobile Concert leh HELP Rock for Mizoram Concert te neih a ni a. MZI Gen. Hqrs. hnuaia Hqrs.,Sub-Hqrs. leh Branch hrang hrang te, Mizoram chhûng bakah Goa Branch leh USA Maryland Branch atangin sum an rawn thehlut bawk a ni. Hei bakah hian Victoria Mizo Kohhran, North Ringwood Uniting Church, Melbourne, Australia atang te, Zorimawi International leh TKP Vaivakawn Branch atangte-in sum an rawn thehlut bawk a ni. 

MZI Gen. Hqrs. buatsaih Mizoram chhûnga tui lian leh leimin tuarte tanpuina tura sum hmuh zawng zawng tlingkhawm chu Rs.8,61,577/- a ni a, a hnuaia mi ang hian sem a ni : 

1. CM Relief Fund - Rs. 2,00,000/-

2. Tlabung - Rs.1,02,500/-

3. Phairuangkai - Rs.1,01,300/-

4. Sairang - Rs.1,00,000/-

5. Saron Veng - Rs.1,00,000/-

6. Marpara 'S' - Rs.1,01,500/-

7. Changpui - Rs.1,01,200/-

8. Kolasib MZI Hqrs. - Rs.55,077/-