Sports & Youth Services Department hnuaia hmalakna pawimawh tak nikum atanga an tan tawh, naupang infiamna lama talent nei tha thlanchhuah leh training pekna programme ‘Catch Them Young’ hnuaia Aizawl-a Badminton leh Lawn Tennis training kalpui mekna hmun hrang hrang - Kulikawn Indoor Stadium, Aizawl Tennis Court leh Govt. H/S Indoor Stadium - te chu nimin khan Sports Minister Pu Zodintluanga’n a tlawh kual a. Minister hi Sports Director Pu Zoliana Royte bakah Sports Department leh Sports Council lama hotu dangten an tawiawm a ni.
‘Catch Them Young’ hnuaia Tennis training programme hi Mizoram Tennis Association ten June 2009 atang khan an buaipui tan a, Talent Identification & Development Programme (TID) dinin naupang kum 8-14 inkar tennis lama talent nei tha te dapchhuakin, Aizawl bakah Ngopa leh Thenzawl-ah te he training programme hi an kalpui zel a ni. A tirah naupang 30 chauh nena bultan khan vawiinah chuan heng khaw 3 a naupang 110 tan coaching an pe mek a ni. All India Tennis Association hnuaia Level-II Coach zirchhuak tawh mi 3 instructor-ah hman mek an ni a. Under-14 player 3 an thlanchhuah - Zathangliana (Thenzawl), Lalnuntluanga (Ngopa) leh Hlenzova (Ramthar) te chu tunah hian foreign coach hnuaia zirchho turin Guwahati-ah an thawn thla tawh a ni. Aizawl atana Tennis Coaching Phase-II chu thla leh March 2010 atangin Ramhlun Sports Complex-ah tan a ni dawn. India Under-14 Champion ni mek Mizo player Tv. Basil Zokhuma (K-13) pawh nimin khan Aizawl Tennis Court-ah inlan vein, MTA hotute chuan March 15-28, 2010 inkara Schenzen, China-a International Tennis Federation (ITF) World Series Under-14 Championship-a a telna turah sorkar tanpuina Minister hnenah an ngen sak nghal bawk a ni.
‘Catch Them Young’ hnuaia Badminton training ve thung chu Mizoram Badminton Association-in nikum atang khan an buapui tan tawh a, tunah hian naupang kum 7-16 inkar talent nei tha tak tak mi 110 coaching an pe mek a. Badminton Coaching erawh hi chu Aizawl-ah chauh kalpui ni rihin Kulikawn Indoor Stadium, Govt. H/S Indoor Stadium leh Bawngkawn Indoor Stadium-ah Coach 4 leh senior players hnuaiah heng naupangte hi train an ni mek.
Heng Training Centre hmun a tlawhnaah Sports Minister chuan ‘Catch Them Young’ hnuaia hmalakna chak tak leh felfai taka kalpui mek a nih thu leh beisei aiin naupangte pawh hma an sawn chak avangin lawmawm a tih hle thu a sawi a. Naupang talent nei tha tak tak, dik taka training pek an niha, tuarchhel leh tihtakzeta sports lama inpe te chu Mizoram hming ti thatu tur an la nih mai bakah eizawnna nglenghet tak an hma lamah a inchhawp a ni, a ti. Mizote chu kan thil tih reng rengah teirei peih kan zir a ngai a ni tiin Minister chuan tunah naupang sports lama training pek mekte lakah sorkar pawhin beiseina sang tak an neih thu a sawilang a, heng naupangte bakah an nu leh pate pawhin chhel taka hun hmalam an hmachhawn a tul thu a sawi bawk.
‘Catch Them Young’ hnuaia Badminton training ve thung chu Mizoram Badminton Association-in nikum atang khan an buapui tan tawh a, tunah hian naupang kum 7-16 inkar talent nei tha tak tak mi 110 coaching an pe mek a. Badminton Coaching erawh hi chu Aizawl-ah chauh kalpui ni rihin Kulikawn Indoor Stadium, Govt. H/S Indoor Stadium leh Bawngkawn Indoor Stadium-ah Coach 4 leh senior players hnuaiah heng naupangte hi train an ni mek.
Heng Training Centre hmun a tlawhnaah Sports Minister chuan ‘Catch Them Young’ hnuaia hmalakna chak tak leh felfai taka kalpui mek a nih thu leh beisei aiin naupangte pawh hma an sawn chak avangin lawmawm a tih hle thu a sawi a. Naupang talent nei tha tak tak, dik taka training pek an niha, tuarchhel leh tihtakzeta sports lama inpe te chu Mizoram hming ti thatu tur an la nih mai bakah eizawnna nglenghet tak an hma lamah a inchhawp a ni, a ti. Mizote chu kan thil tih reng rengah teirei peih kan zir a ngai a ni tiin Minister chuan tunah naupang sports lama training pek mekte lakah sorkar pawhin beiseina sang tak an neih thu a sawilang a, heng naupangte bakah an nu leh pate pawhin chhel taka hun hmalam an hmachhawn a tul thu a sawi bawk.
