3302/2024-2025

Aizawl, the 30th November 2024 : Nizan khan Sports & Youth Services Minister Pu Lalnghinglova Hmar chuan Entertainment Society of Mizoram in Dawrpui Multi-Purpose Centre a 3rd Mizo Film Award 2024 an buatsaih chu a hmanpui.

Pu Lalnghinglova Hmar chuan Mizo film industry hmasawn mek leh  hlawhtling chho mek te a lo ral thlir thin thu sawiin tunhmaa mi thenkhatte tan hobby ni thin chu tunah chuan thalai tam takte tan eizawnna kawng a ni chho mek a, a kal zel dan enin nakinah phei chuan hausakna a la ni zel dawn, a ti a. Heng hmasawnna thlentu film industry lama thawktu mi hrang hrang te thawhhlawkna te chu a chhuanawm a tih thu a sawi a. Film industry a thawktu te chu Sawrkar puihna tel lova an mahni remhriatna leh thiamna hmanga thalai tam tak te tana eizawnna kawng siamsak mek chu lawmawm a tiin chawi san an phu tih a sawi bawk. Tourism industry leh film industry inkungkaih dante sawiin India-a tourism kawng thenkhatte chu film industry vang a inphawng chauh a nih dante a thusawi a tarlang a ni.

3rd Mizo Film Award hi Category 15 a sem niin Category tinah Nomination 5 aia tlem lo a awm a ni.