3303/2024-2025
Aizawl the 30th November 2024: Vawiin chawhma khan ni 3 awh, PM Vishwakarma Exhibition chu a tiak a. He exhibition kharna inkhawmah hian Chief Secretary Khilli Ram Meena chu Khuallian a ni a. Dr. Lalzirmawia Changte, Secretary Commerce & Industries Department chu khualzahawm a ni thung.
Closing Function-ah hian Khuallian leh Khualzahawm ten he Exhibition neih chhan leh a tum te bakah a pawimawhna te an sawi a.
PM VISHWAKARMA EXHIBITION CUM TRADE Fair AR Lammual a neih zawh tak hi nikum 2023 September thla a India ram pumpuia Prime Minister Pu Narendra Modi-a’n a tlangzarh kha a ni a. He Scheme hi Central Sector Scheme niin, Sawrkar laipuiin a bultum a ni a. Kut themthiamna kawng hrang hranga thilsiam chhuak, thiamna nei te bultanna leh hma an lak zelna tur atana tanpuina leh khaichhuahna atana a bik tak a duan a ni. Kum 5 chhung (2023-2024 atanga 2027 – 2028) thleng tura duan a ni.
Ministry of Micro Small and Medium Enterprises (MoMSME), Minstry of Skill Development and Entrepreneurship leh Department of Financial Services te thawh hona hnuaia kalpui a ni.
Mizoram atang in he Scheme hnuaia Loan application hi engemawzat a awm tawh a, mi pali hnenah sanction a ni tawh a, tun tum Exhibition cum Trade Fair ah pawh hian mahni kut themthiam thil pho chhuak, mi 41 an awm a, an zavai hian Certificate leh Memento hlan ve an ni.
PM Vishwakarma Scheme hi Mizoram ah chuam Commerce & Industries Department hi Nodal Department niin, MSME DFO te nen hian an thawkho a, hrechiang duh chuan Project Management Unit (PMU) C& I Department leh Secretariat of C&I, MINECO lamah te ngaihven theih reng a ni e.
He hunah hian Pi Maria CT Zuali, Director, C&I leh Pu Hubert SZ Khobung, Convener & Regional Manager, State Bank of India, Aizawl te bakah MSME lama official te hnen atangin thusawi ngaihthlak a ni bawk.
PM VISHWAKARMA EXHIBITION Cum Trade Fair chu ni 28 – 30, November, 2024 khan AR Lammualah neih a ni a, a hawnna inkhawm hi Commerce & Industries Minister, Pu F. Rodingliana chuan Khuallian niin hman pui a. He hunah hian Pi Teresi Vanlalhruaii, Secretary, LAD, Er. Lalhriatpuia, Deputy Commissioner, Aizawl leh Pi Pinky Zosangpuii, Jt. Secretary Commerce & Industries te bakah MSME lama hotu ten thu an sawi bawk a ni.
